Конь-Огонь (фестиваль)
| Конь-Огонь | |
|---|---|
| Семьялы но спортлы сӥзем фестиваль | |
 | |
| фестиваль[d] | |
| Ортчытон дырыз | пӧсьтолэзе, арлы быдэ |
| Ортчытон интыез | |
| 56°59′32″ с. ш. 54°02′26″ в. д.GЯO | |
| Ортчытон интыез |
|
| Кун |
 Россия Удмуртия |
 |
|
Конь-Огонь ―Удмуртиын гужем ортчись семьялы но спортлы сӥзем фестиваль. Ужрад огазея валъёсты яратӥсьёсты, мотокроссэн вырись спортсменъёсты но активной шутэтскон амалъёсты утчасьёсты. Ортче 2020-тӥ арысен арлы быдэ Вотка ёросысь Метляки гуртын. 2025-тӥ арын ужрад 19-тӥ пӧсьтолэзе ортчиз[1].
Ужрад сярысь
"Конь-Огонь" фестиваль ортче котькуд ар пӧсьтолэзьлэн шораз яке пумаз. Сое радъясьёс, ужрадэз яркытгес карон вылысь, арлы быдэ мар ке выльзэ, яркытсэ ватсало. Кылсярысь, 2022-тӥ арын люкаськем калыкез паймытӥзы Глазкарысь гоблинъёс, соос мылкыд карисьёс понна паймымон квест ортчытӥзы[2]. Удмуртиысь Туризмъя министерстволэн ивортэмезъя, Семьялы сӥзем аре "Конь-огонь" фестиваль «Russian Event Awards – Приволжье 2024» Калыккуспо премилэн улос этапаз куинь тужгес устоосыз ужрадъёс пӧлы пыртэмын[3]. 2024-тӥ арын со 27-тӥ пӧсьтолэзе ортчиз. Отчы 4000 пала калык люкаськылӥз[4].
2025-тӥ арын
2025-тӥ арын "Конь-Огонь" фестиваль «Шунды но Толэзь» фестивальлэн программаеныз огазеямын. Соин валче, ужрадын чакламын[1]:
- Калык азьын вал вылын ворттылонъёс;
- Конкуръя (валэн ворттылонъя) ӵошатсконъёс;
- Хоббихорсингъя тумошо ӵошатсконъёс (шудон вал вылын могӟетъёс пыр потыны быгатонъя);
- Мотокросс. Арлы быдэ татчы Удмуртиысь сяна, мукет улосъёсысь спортсменъёс пыриськыло[5];
- Холи-буёлъёс, шукы дискотека, урамын шудӥсь артистъёслэн выступлениоссы но тыл шоу;
- Интерактивной площадкаос, усточиослэн арбериосынызы адӟытон-вузкарон, фермер продукциен вузкарон;
- «Шунды но Толэзь» фестивальлэн нимысьтыз куноез Vector Five хороводъёсын концерт возьматыны чакла[6]. Со сяна, дасямын пӧртэи мастер-классъёс;
- Нимысьтыз ӧтем куноослэн выступлениоссы: «Кофеин» кавер-группа, «140 ударов в минуту», «Вирус», Андрей Тимофеев (TIMOFEEW) но мукет тодмо муртъёс;
- Семьяослы чаклам шудон-ӵошатсконъёс, гурт эстафетаос, «шыпыт» шудонъёсын площадка но мукет.
Валэктонъёс
- ↑ 1 2 Семейный спортивный Фестиваль «Конь-Огонь» [ӟуч] Центр развития туризма Удмуртской Республики. Эскеремын 03.07.2025 арын
- ↑ Вера Хруслова (25 июля 2022) Фестиваль «Конь-Огонь» состоялся в Воткинском районе [ӟуч] Газета "Воткинские вести". Эскеремын 03.07.2025 арын
- ↑ Екатерина Сентемова (25 сентября, 2024) Фестиваль «Конь-Огонь» из Удмуртии оказался в числе лучших событийных мероприятий Года семьи [ӟуч] ИА Сусанин. Эскеремын 03.07.2025 арын
- ↑ Ежегодный семейный спортивный фестиваль «Конь – Огонь» [ӟуч] Муниципальное образование "Муниципальный округ Завьяловский район Удмуртской Республики" (27 мая 2024). Эскеремын 03.07.2025 арын
- ↑ Фестиваль Конь-Огонь [ӟуч] Удмуртия360. Эскеремын 03.07.2025 арын
- ↑ Конь-огонь. Фестиваль [ӟуч] Кассир.ру. Эскеремын 03.07.2025 арын