Италмас (сяська)

Италмас (сяська)
ӟуч: Купальница азиатская
Биологической систематикаез
Домен: Эукариотъёс Царство: Будосъёс Подцарство: Вож будосъёс Клада: Вылӥ будосъёс Клада: Сэро будосъёс Клада: Кидысо будосъёс Отделэз: Сяськаясь Классэз: кык люкето Порядок: Лютикоцветные Семейство: Лютиковые Подсемейство: Лютиковые Триба: Adonideae Род: Италмас
Калыккуспо тодос нимыз
Trollius L., 1753
Номенклатурной типез
Купальница европейская
Видъёс
купанча выжыысь трос аръем турын
Систематика в Викивидах Изображения на РУВИКИ.Медиа ITIS   18804 NCBI   39245 EOL   61320

Италмас (ӟуч: Купа́льница, лат. Tróllius) — Купанча выжыысь трос аръем турын. Тужгес матын луэ вуын будӥсь вукуарлы. Италмас Удмуртилэн тодметпусэныз лыдъяське. Шер пумиськылӥсь но утиськись будосъёсын элькунлэн Горд Книгаяз пыртэмын. Сяськалэн нимыз ӵем пумиськылэ гожъяськисьёслэн но кылбурчиослэн произведениосазы, солэсь туссэ укно наличникъёс вылысь но суредасьёслэн ужъёсысьтызы адӟыны луэ.

Вӧлмемез

Та выжыысь будосъёс трос вӧлменмын уйпал полушариын, озьы ик Европаын, Азиын но Уйпал Америкаын.

Шундыпуксёнпал Европаын италмас гурезьын будэ. Шундыӝужанпал Европаын — возьёсын, шур дуръёсын. Азиын, лымшорпал люкетаз сяна, быдэс материкын вӧлмемын. Уйпал Америкаын Чус океан дорысен Атлантической океан дорозь кык пӧртэмез гинэ пумиське.

Нимыз

Зэмос тодос нимызлэн кылдэмез сярысь тодмо ӧвӧл. Латин нимыз нем. Trollblume кыл бордысь потэмын шуыса малпан вань, ӟуч кылэ «Цветок троллей» шуыса берыктӥське. Немец но скандинав дауркылъёсъя, та будос тролльёслэн яратоно сяськазы луэ. Мукет малпанъёсъя, сяськаезлэн котрес луэменыз, нимыз trulleus латин кыллэсь (ӟуч кылын «круглый сосуд», «чашка» шуэмез возьматэ); яке «troll» (ӟуч кылэ «шар» шуыса берыктӥське) — вашкала немец кыллэсь пӧрмемын.

Ӟуч нимыз — купальница, нюр интыосты яратэменыз герӟаськемын.

Россилэн пӧртэм улосъёсаз калык пӧлын пӧртэм нимъёсыз кутӥсько, ӵемысь соос одӥг интыын гинэ будӥсь видъёслэн тусынызы герӟаськемын луо: купава, купавница, купавка, колупаленки, жарки, огоньки, сибирская роза, авдотки, бубенчики, колотушки, колтышки, кучерская травка, балаболки.

Удмуртиын

Удмурт элькунын италмас сяська яратонлэн но мӧзмонлэн, осконлэн но шумпотонлэн пусэныз лыдъяське. Удмурт калык пӧлын со сярысь таӵе дауркыл вӧлмемын: Италмас нимо нылмуртлэн чеберезлы ваньмыз синмаськылӥллям. Огпол пал кылем пересь Байтуган нылашез кураны малпам, солэн атаезлы, нылыд понна вань пунэмаськемъёстэ простить каро шуыса дэмлам. Нылашлэн атаез соглаш луымтэ. Огпол Италмас, нюлэскын емыш бичакуз, сьӧрлось гуртысь Камашен пумиськем. Егитъёс соку ик синмаськиллям. Ар пала ог-огзылы яратэмзы сярысь вераны кепыраса улӥллям, нош одӥг пол, сюлэмъёссэс усьтэм бере, Байтуган вожаменыз Камашез пукыӵен ыбем. Нош нюлэсэз но гуртэз сутыса быдтыны малпам, озьы ик ачиз но тыл пушкын ӝуаса бырем. Италмас гурт калыксэ утьыны турттыса, ӵуж италмаслы пӧрмем.

Италмас кыл Удмурт Элькунын туж вӧлмемын, со пӧртэм нимъёсын кутӥське. Кылсярысь: кырӟанъя но эктонъя академической кун ансамбль, Ижкарысь Москвае калыкез нуись-ваись поезд, черкогурт, турын вылын пукетэм бальзам.

Ботанической описаниез

Кыкетӥ араз сяськаяське. Нырысетӥ араз выжы котырысь куаръёсыз пушъё, кыкетӥяз — йылыз. Улӥ куаръёсыз бадӟымесьгес, черешковоеесь, вылӥосыз — пукисесь, соос пушкын выль модосэз кылдэ, котькудӥзлэн йылаз сяськаез пезьдэ. Выль модосын кылдэм сяськаос пичиесьгес луо.

Италмас. Купальница европейская

Италмас сяська трос пӧртэм луэ ке но, ваньмызлэн сяськаез огкадь — котрес яке усьтӥськем.

Кутӥськемез

Бурятилэн лымшорен шундыпуксён палаз будӥсь италмас (Жарки)

Тулыс ик ӵуж яке нап-ӵуж буёло котрес сяськаос туж чебер адӟисько, соин сое, чеберлы шуыса, тросэн ишкало.

Будос вашкала дырысен тодмо луэ, культурае декоративной чотын пыртэмын. XVI даурлэн пумысеныз италмасэз сад-бакчаосын будэтыны кутскизы. XVIII даурлэн шораз сяська кидысэз Сибирьын улӥсь но ужась тодосчи Эрик Лаксман Европае Карл Линнейлы ыстэм. Декоративной чотын кӧняез ке тужгес бадӟымъёсыз кутӥсько: купальница европейская, купальница азиатская, купальница китайская, купальница алтайская, купальница Ледебура. Соос вылэ пыкиськыса но огазеяса, пӧртэм пумо декоративной сяськаос кылдытэмын. Европаысь садъёсын XIX даурын будэтыны кутскизы. Лемлет италмаслы луыса (купальница лиловая Trollius lilacinus), кезьытэз чидась лемлет-лыз буёло пӧртэмлыкъёсыз кылдытэмын. Италмасъёс — кужмо но висёнъёслы сётскисьтэм будосъёс. Золгес пушйытон понна, вазь тулыс ик пень вуэн, азот удобрениосын киськаны кулэ, бӧрысь гужем ӵоже комплексной удобрениосты кутыны луэ. Сяськаяськыкуз "Эпинэн" пазяса умой луоз. Сӥзьыл вуж куаръёссэ вандылоно.

Куд-ог источникъёсын, тужгес но шундыӝужанпал медицинаын, куд-ог видъёсыз эмъюмо турын чотын кутӥсько, озьы ке но, вань италмасъёслэн выжыоссы ядо. Шундыпуксёнпал Сибирьын, Алтайын, Монголиын но тибет медицинаын купальница азиатская (Trollius asiaticus) но купальница алтайская (Trollius altaicus) калык эмъяськонын кутӥсько.

Ваньмыз италмасъёс мӧль сётӥсь будосъёс луо. Озьы ик сое пудо-живот сие.

Азьвылгес дыръёсы италмасэн дэраез буяллязы. Кылсярысь, XIX дауре азиатской купальницалэн сяськаосысьтыз ӵуж буёл лэсьтылӥзы. XX даурлэн шораз СССР-ысь Наукаосъя академилэн ботаникая институтаз солэсь сиён-юон поттонын кутӥськись буёл кылдытӥзы.

Валэктонъёс

Литература

• Купальница // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890. — Т. II.
• Никифоров Ю. В. Алтайские травы-целители. — Горно-Алтайск: Юч-Сумер – Белуха, 1992.
• Trollius // Flora of China : [англ.] = 中国植物志 : in 25 vol. / ed. by Z. Wu, P. H. Raven, D. Hong. — Beijing : Science Press ; St. Louis : Missouri Botanical Garden Press, 2001. — Vol. 6 : Caryophyllaceae through Lardizabalaceae. — P. 137. — 512 p. — ISBN 978-0-915279-34-0. — ISBN 978-1-930723-05-4 (vol. 6).
• Купальница / Крупкина Л. И. // Крещение Господне — Ласточковые. — М. : Большая российская энциклопедия, 2010. — С. 354. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 16). — ISBN 978-5-85270-347-7.

Чӧлсконъёс

• Энциклопедия декоративных садовых растений: купальница  [Дата обращения: 2 шуркынмонэ 2009]