Илля нунал

Википедиысь материал
Илля нунал (удм. Выль)
Илья-пророклэн тылын ӝутскемез. Великий Устюг. 1570-тӥ аръёсы

Илья-пророклэн тылын ӝутскемез.

Великий Устюг. 1570-тӥ аръёсы
Типез христианской /
народно-христианской
Мукет сямен Громобой, Держатель гроз
Озьы ик Илия пророклэн нуналыз (черк.)
Юнматэмын Илия пророкез буре ваён
Пусъё Православи черкъёсын, шундыӝужанпал но лымшор славянъёсын, грекъёсын, осетинъёсын, грузинъёсын, комиосын, ненецъёсын
Дырыз 20 июля (2 августа)
Пусъён ужрадъёс черк службаос, калык юмшанъёс
Сям-йылолъёс огъя сиён-юон, така яке ош вандон
Логотип РУВИКИ.Медиа Медиафайлъёс РувикиМедиа пушкын

Илля нунал ӟуч: Ильи́н день [1] (болг. и макед. Илинден, серб Илиндан, осет. Уацилла) — Илия пророкез буре ваён нунал, (черк праздник), шундыӝужанпал но лымшор славянъёслэн, грекъёслэн, грузинъёслэн но православи черке пырем куд-ог мукет калыкъёслэн сям-йылоллы пӧрмем калык шулдыръяськонзы[2]. Пусйиське 20-тӥ пӧсьтолэзе (2-тӥ гудырикошконэ) . Удмуртъёслэн та нуналлы тупа выль урожайлы сӥзем Выль (Виль, Выль ӝук) праздниксы[3]. Озьы ик та нуналэ така вандо-вӧсяло, выль вуэм йыды кеньырен ӝук пӧзьто, кужмысь кулэм муртъёсты буре ваё. Та нуналысен араны потыны, выль бакча-сиёнъёсты пӧраськонэ кутыны луэ ини шуо.

Славян калыкын Илья-пророк тужгес сӥлы карымон вӧсьлыко муртъёс пӧлы, Николай Чудотворецен оградэ пыртэмын[4].

Пусъён дырыз

Римско-католической черк Илия пророкез16 тулыспалэ буре вае (мукет пророкъёсты сямен)[5].

Православи черк Илия пророкез буре вае 20-тӥ пӧсьтолэзе юлиан яке выль юлиан дырпусъя.

Вашкала шундыӝужанпал православи черкъёсын Илия пророкез буре ваён нуналэз 20-тӥ пӧсьтолэзе но мукет нуналъёсы но пусъё. Шор дауръёсысь Минологиосын (вӧсьлыко муртъёслэн улэм-вылэмзы сярысь агиографической бичетъёсын) пусъемын таӵе датаос: 3(4) оштолэзе, тобе толэзьлэн 6-тӥ нуналыз (1 толш.). Коптской православной черкын Илия пророклэн нуналыз юнматэмын 6 тобе. Армян Апостольской Черкын Илияез буре ваён — Пятидесятница бере 1-тӥ арнянуналэ[5].

IX—XI дауръёсысь куд-ог православи дырпусъёсын Илия пророклэн нуналыз 7-тӥ гудырикошконлы тупа, Преображение Господне нунал бере ӵуказеяз. Со герӟаськемын та евангельской ужрадэ Илия пророклэн Моисеей пророкен ӵош вуэменыз[5].

Праздниклэн кылдэмез

Илия пророклэсь нуналзэ пусъё Кармель гурезь котырын улӥсьёс — христианъёс, иудейёс но мусульманъёс, кудъёсыз та гурезез «вӧсьлыко интыен» лыдъяло — Священной Писания, татын, пе, Илия ватскыса но вӧсяськыса Ваал жрецъёсты вормем[5].

Грециын но матысь Шундыӝужан палан, кытын вордӥськиз Илия пророклэн культэз[6], солэсь Зорен но Кӧс куазен кузёяськыны быгатэмзэ сӥлы карылӥзы[5]. Та малпанъёс Библиен юнматэмын[7]:

И сказал Илия [пророк], Фесви́тянин, из жителей Галаадских, Ахаву: жив Господь Бог Израилев, пред Которым я стою! в сии годы не будет ни росы, ни дождя, разве только по моему слову.

— 3Цар. 17:1

Вот, земледелец ждёт драгоценного плода от земли и для него терпит долго, пока получит дождь ранний и поздний… Илия был человек, подобный нам, и молитвою помолился, чтобы не было дождя: и не было дождя на землю три года и шесть месяцев. И опять помолился: и небо дало дождь, и земля произрастила плод свой.

— Иак. 5:7 и след.

968-тӥ арын Константинопольын Лиутпранд Кремонский Илия пророклэн тылын ӝутскем нуналызлы сӥзьыса, театральной представлениос (мистериосты) радъялляз[8]. Даур талэсь азьвыл Илия пророкез сӥлы карись патриарх но император Василий I Македонянин та пумысен бадӟым шулдыръяськонъёс ортчытъяз. С. А. Ивановлэн верамезъя, Василий I Македонянинлэн кивалтон аръёсаз ик (867-тӥ —886-тӥ аръёсы) Киевын Илия-пророк нимо черк ӝутэмын вылэм — Русьысь нырысетӥез христиан черк, кудаз вӧсяськылӥзы черке пыртэм варягъёс но кудаз соос ик 944-тӥ арын кутэм русско-византийской тупанкылэз чаклан сярысь кыл сётӥзы[9].

Куд-ог мукет эскерчиослэн малпамзыя, Русь музъеме христианство вуытозь, Перунлэн нуналыз (ӟуч: Перунов день) пусйиське вал. Берлогес Ильин день шуыса нимаськыны кутскиз[10][11]. Илья-пророклэн образэз, Перунлы укшаменыз, ӝоген сое воштӥз, Прокопий Кесарийскийлэн малпамезъя, Перунэз вашкала славянъёс но сӥлы каро на вылэм[12]. Ильялэн инметӥ кык питырано уробоен гудыръяса но чилекъяса кыйез уйылэмез сярысь, X даур котырын «Житие Андрея Юродивого» гожтэмын пусъыса кельтэмын[13]. А. Н. Веселовский грек эскерчилэсь Николай Политалэсь малпанзэ валэктэ, кудӥзъя Илья вылэ Зевслэн но Гелиослэн сям-тусъёссы выжтэмын, ачиз уггес ке но оскы та веранлы[14].

Славян калыкын

«Илья Пророк грозящий». XIX даур. Россия.
Икона «Святой Илья с мечом». 1668[15]". 1668
Пророк Илья. Дун-чылкыт Георгий Победоносец, Феодор Тирон, Феодор Стратилат, Димитрий Солунский. Болгария. 1856

Нимъёсыз

ӟуч: Ильин день[16], День памяти Ильи-пророка[1], Громобой, Держатель гроз, Громовержец, Сухой и мокрый, Морковник, Богатые соты, Бараний рог, Илья-грозный, Илья немилостивый, Илья сердитый[17], Илья наделящий[18], Ильюшечка, Ильюшка[19], Ильинская, Купальня[20]; бел. Святая Ілля, Ілля-прарок[21], Ілля, Аля, Галляш[22]; укр. Iлля[23], Громове свято[17]; серб св. Илија[24], Илиjа громовник[17], Илиндан[25]; болг. Св. Илия[26], Гръмовник, Гръмоломник, Гръмодол, Аталия ден[17], Свети Илия гърмовник[27]; пол. Święty Eliasz[28]; чеш. Svatý Eliáš[29].

Илиялэн тусыз

Пыр-почгес учке Илия (пророк)
Изображение пророка Ильи, сходное с античными изображениями Аполлона
«Святы́й Илия Муромец». XIX даурлэн пумысьтыз ӟуч мудор

Славян калыклэн сям-йылолъёсаз Илья пророк — гудырилэн, ин тыллэн, зорлэн, урожайлэн, удалтонлыклэн кузёез лыдъяське. Илья — «лек святой»[30].

Славян калык легендаосъя, Илья лулоен ик инме басьтэмын вылэм[30]. 33 аресозяз Илья тэк пукыса улэм, нош музъем вылтӥ ветлӥсь Инмар но Николай Чудотворец эмъяллям но юн кужым сётӥллям солы (ӵошатэ Богатырен), собере ик инме басьтэмын (орлов.), ӵошатэ Илья Муромец сярысь былиналэн сюжетэныз[30]. Вӧсьлыко Илья инметӥ кык питрано тыло кадь зарни уробоен ветлэ[31]. Украин осконъёсъя, шунды — Илья-пророклэн уробоезлэн питранэз, Луд ӟазег кошкон сюрес — пророклэн кыткем тыло тӧдьы бурдо валъёсын ветлон сюресэз (слав.), яке тӧдьы вал вылын (болг.), солэсь ик гудыри потэ, пе. Толлатэ Илья дӧдьыен ветлэ, соин ик уг но гудыръя, уг но чилекъя (орлов.). Илья-гудырикузёлэн кужмыз сокем юн, куддыръя сое возёно луэ: Инмар Ильялэн йыр вылаз 40 десятинаем из юнматэм (орлов.), одӥгзэ кизэ но пыдзэ дурем (карпат.); Ильялэн сузэрез Тыло Мария Огненная Мария Ильялэсь праздник нуналзэ ватыса возем, ато, пе, шумпотонназ котырак ваньзэ чилекъяса быдтоз (серб.); вӧсьлыко Ильялэн паллян киыз гинэ, пе, вань; кыкез ик луысал ке, дунне вылысь вань шайтанъёсты жугыса быдтысал (банатские геры). Дунне бырон азьын Илья музъем вылэ васькыса, Кышкыт суд сярысь ивортыса, куинь пол сое котыртоз (орлов.); кулыны музъем вылэ васькоз, сизьым гурезь йылын турын сиись но сизьым шур вуосты юись ошлэн ку вылаз йырзэ вандыны поноз; пророклэн киськем вирыз музъемез сутоз (карпат.). «О Страшном Суде» ӟуч лулпушлыко кылбурын Илья Инмарлэсь сьӧлыко адями выжыез быдтыны куронзэ быдэсъясь луэ[30].

Ӟуч калыкын ӵемысь Илья Муромец Илья-пророкен сураське. Илья Муромецлэн вордӥськем интыяз, Муром котырысь Карачарово черкогуртысь крестьян калыклэн мадёнъёсаз но та кык образъёс валчеяськемын, но со мадёсъёсын ик Илья Муромецлэн Киевен но князь Владимирен герӟетъёсыз чик уг пумисько[32].

Сям-йылолъёс

Илля нунал — огъя бадӟым ӟуч праздникъёс пӧлысь одӥгез, тужгес сӥлы карымонэз луэ[33]. Мукет праздник нуналъёсын ӵошатыса, та нуналэ кутӥськись йылолъёс туж трос ик ӧвӧл; озьы ке но, та нуналэн герӟаськемын трос осконъёс, мифологи малпанъёс, инкуазь но гурт котыр чакланъёс, алонъёс но мукет[34]

Илля нуналэз пусйыны азьпал ик кутскылӥзы — тужгес лекез усе, шуо, праздникез усьтӥсь покчиарня но удмуртарня нуналъёслы[35][36], куд-ог интыосын[37] обрядовой печення пыжылӥзы, но Мари́на лазо́ревая нуналысен бусы ужъёсын вырылэмысь дугдылӥзы. Со сяна, Илля нунал азьын юртъер котыръёссэс, кизем юоссэс гудыри-чилектэмлэсь, йӧ зорлэсь утьыны тыршылӥзы. Илля нуналэ, пророклэсь вожзэ поттонтэм вылысь, вань ужъёслэсь алыло, та нуналэ лэсьтэм уж пайдатэм луэ, шуо.

Нуналлэн тужгес валтӥсез тодметэз братчина яке «мольба» — матысь гуртъёсын улӥсьёсын Иллялы курбон сётыны шуыса, така вандон но огъя сиён-юон[38]. Та вӧсяськон ужрадэ воргоронъёс гинэ пырисько[39]. Пумазгес ини, егитъёслэн шудон-юмшанзы кутске[39].

Илля нунал гужемлэн висгоженыз лыдъяське («Илья лето кончает»[40]), та нуналысен инкуазьын нырысь воштӥськонъёс адӟиськыны кутско: «Илля нуналозь куак улын но шунды куасьтэ, шуо, Илля нунал бере кыр интыын но лысву уг ни тӧлӟы». Болгаръёс шуо, та нуналэ, пе, Илля сизьым тулупъёсыз пӧлысь нырысетӥзэ дӥся но тол пала берытске, нош Россиын «Илля нуналэ нуназеозь гужем, нуназе бере сӥзьыл» шуо[17].

Илля нуналэ выжон уез «ӟольгыри» яке «палэзь» уй нимало, соку, пе, быдэс уй чилекъя-гудыръя, нош кышкатскем бурдоос шузимыса лобало но пӧртэм арбериос шоры мырӟиськыло[41].

Калык чакланъёс

  • Илья гужемез йылпумъя, аранэз кутске [28].
  • Илля нуналэ нуназеозь — гужем, нуназе бере — сӥзьыл [28].
  • Илля нуналозь пыласько, Илля нунал бере вуэн люкисько [42].

Мукет калыкъёслэн

Илля нуналэ (к.-п. Илля лун) коми-пермякъёслэн вал вылын ворттылон сямъёссы вань. Озьы ик та нуналэ гурт пудоез возь вылэ уг лэзьяло, Илья, пе, шайтанъёслы мар дауртэмзы потэ, сое ик дауртыны та нуналэ эрик сётэ. Тросаз коми-зырян но коми-пермяк улон интыосын, славян калыклэн сямен ик, така, ӟазег вандон но вӧсян, ог люкетсэ черке нуон но кылемзэ шур дурын пӧзьтыса огъя сиён-юон сямзы пумиське. Та нуналысен нюлэс емыш октыны, ю-нянь утялтыны лэзё ини[2].

Пужей вордӥсь уйпал коми-зырянъёс но ненцъёс Илля нуналэ, пужейёссэс кыткыса, ӵошатсконъёс ортчытъяло, огъя сиён-юонни радъяло. Нош шулдыръяськонъёс йылпумъяськем бере, тол пудовозьманниоссы пала вырӟо[2].

Грециын Илля пророкез буре ваён нунал — 20-тӥ пӧсьтолэзь, тужгес пӧсь вакыт, гурезь йылъёсын «зор вайись» Зевслы вӧсясько (солэн тусыз Гелиосэн но Фебен валче Илья вылэ выжиз). Озьы ик куд-ог улосъёсын (тужгес но Пелопоннесын) Илля нунал азьын ӝыт тылскыса, егит нылашъёс бызён сярысь туналляло но мукет йылолъёс ортчытъяло[43].

Пророк Илья осетин кылын Уацилла шуыса нимаське. Осетин калыклэн «Уациллалы» сӥзем нуналыз музъем ужъёсын герӟаськемын но Пятидесятница бере куинетӥ арняезлэн кутсконаз, вордӥськонэ пусйиське[44].

Валэктонъёс

  1. ↑ 1 2 Некрылова, 2007, с. 374.
  2. ↑ 1 2 3 Илля Лун. Н. Д. Конаков Архивная копия от 24 куарусёнэ 2015 на Wayback Machine
  3. ↑ Календарные обряды удмуртов. Виль
  4. ↑ Некрылова, 1991, с. 286.
  5. ↑ 1 2 3 4 5 Илия // Православная энциклопедия. — М., 2009. — Т. XXII : «Икона — Иннокентий». — С. 236-259. — 752 с. — 39 000 экз. — ISBN 978-5-89572-040-0.
  6. ↑ Haddad H. S. «Georgic» Cults and Saints of the Levant // Numen, Vol. 16, Fasc. 1 (Apr., 1969). P. 29-30.
  7. ↑ Следующие фрагменты читаются в качестве паремии и Апостола соответственно на богослужении в этот день: Минея на июль, с. 413, 433—434. Архивная копия от 30 пӧсьтолэзе 2014 на Wayback Machine
  8. ↑ Лиутпранд Кремонский. Посольство в Константинополь Архивная копия от 28 южтолэзе 2014 на Wayback Machine
  9. ↑ Иванов С. А. Когда в Киеве появился первый христианский храм // Славяне и их соседи. М., 2004. Вып. 11: Славянский мир между Римом и Константинополем. Архивная копия от 24 куарусёнэ 2015 на Wayback Machine С. 9-18.
  10. ↑ Дмитриев, Дымченко, 2010, с. 12.
  11. ↑ Розе, 2013, с. 206.
  12. ↑ «Они считают, что один из богов, творец молнии, является владыкой над всеми, и ему приносят в жертву быков и совершают другие священные обряды» (Прокопий Кесарийский. Война с готами. Книга VII (книга III Войны с готами) Архивная копия от 10 пӧсьтолэзе 2015 на Wayback Machine).
  13. ↑ Веселовский, 2009, с. 207—208.
  14. ↑ Веселовский, 2009, с. 210.
  15. ↑ Белова, 2004, с. 137.
  16. ↑ Громыко, 1991, с. 24.
  17. ↑ 1 2 3 4 5 Агапкина, 1999, с. 403.
  18. ↑ Терентьева, 2012, с. 12.
  19. ↑ Терентьева, 2012, с. 13.
  20. ↑ Дубровина, 2012, с. 49.
  21. ↑ Васілевіч, 1992, с. 580.
  22. ↑ Лозка, 2002, с. 152.
  23. ↑ Скуратівський, 1995, с. 172.
  24. ↑ Кулишић, 1970, с. 273.
  25. ↑ Васић, 1984, с. 395.
  26. ↑ Маринов, 1891, с. 181.
  27. ↑ Терентьева, 2012, с. 1.
  28. ↑ 1 2 3 Ермолов, 1901, с. 380.
  29. ↑ Červenec — Pranostiky
  30. ↑ 1 2 3 4 Белова, 1999, с. 405.
  31. ↑ Белова, 2004, с. 139.
  32. ↑ Колосова М. Заметки о языке и народной поэзии в области северо-великорусского наречия Владимиро-Суздальский и Ярославский край. Отчеты отделения русского языка и словесности. Приложение к XXX тому Записок Имп. Академии Наук № 3. — СПб.: тип. Имп. Акад. наук, 1877. — Стр. 309 и след.
  33. ↑ Морозов, Слепцова и др., 1997, с. 432.
  34. ↑ Агапкина, 1999, с. 402.
  35. ↑ Ильин день | РЭМ
  36. ↑ Покчиарня — индоевропейской калыкъёслэн мифологиязы Гудыри кузёлэн нуналыз
  37. ↑ кылсярысь, Белозерьеын
  38. ↑ Агапкина, 1999, с. 404–405.
  39. ↑ 1 2 Мадлевская и др., 2007, с. 655–656.
  40. ↑ Некрылова, 1991, с. 285.
  41. ↑ Некрылова, 1991, с. 287.
  42. ↑ Ермолов, 1901, с. 381.
  43. ↑ Илия. Православная энциклопедия
  44. ↑ 3. Летне-осенний цикл Архивная копия от 19 шуркынмонэ 2018 на Wayback Machine // Уарзиати В. Праздничный мир осетин — Северо-Осетинский институт гуманитарных исследований, 1995

Литература

Архивная копия от 17 куартолэзе 2017 на Wayback Machine

Чӧлсконъёс

«https://udm.ruwiki.ru/w/index.php?title=Илля_нунал&oldid=471694»-ысь басьтэмын