Ижысь электромеханикая «Купол» завод

«Ижысь электромеханикая «Купол» завод» АО
«Ижысь электромеханикая «Купол» завод» АО
Типез	Акционер огазеяськон
Кылдэм арез	1957
Интыяськемез	Россия: Ижевск
Валтӥсь адямиос	Зиятдинов Фанил Газисович (валтӥсь директор)
Удысэз	Машиностроение, обороналы кулэ луись тӥрлык поттон
Барышез	5,235 млрд манет (2011)
Операционной барышез	чылкыт табышез =599 млн манет (2011)
Сайт	Официальный сайт
	Медиафайлъёс РувикиМедиа пушкын

Заводлэн Молодёжной ульча но Калашников проезд вожысь производствоя корпусэз

«Ижысь электромеханикая „Купол“ завод» АО («„Купол“ ИЭМЗ» АО) — совето но росси наукая но производствоя предприятие, Удмуртиысь Ижкарысь Песочной ульчаысь 3-тӥ юртын интыяськемын, Россиысь обороная но промышленностья комплексэ пырись огез кужмоез предприятие. Кылдытэмын 1957-тӥ арын.

Тӥрлык поттӥсь огез валтӥсь предприятие сямен «Алмаз-Антей» ПВО концернэ пыре.

Предприятие ЗРК «Тор-М2Э [ӟуч] (удм.», «Саман-М1» мишень комплекс поттэ, соосты сервисъя тупатъя. Озьы ик заводын гироскопъёс, нанокомпозитъёс, нимысьтыз чылкыт материалъёс, атом электростанцилы, мувӧй кыскон, аракы пӧзьтон заводъёслы конвейер линиослы тӥрлыкъёс лэсьто. Калыкын кутӥськись вуз пӧлысь поттэ: центральной кондиционеръёс, шунтӥсь тӥрлык, тепловентиляторъёс но электроен но шуныт вуэн ужаны чаклам шуныт завесъёс, инфрaкрасной электро обогревательёс, кизер топливоен но газэн ужась омырез шунтӥсь тӥрлык, кырсь вуосты чылкытатон сооружениос но мукетсэ.

Заводлэн юртэз азьысь постамент вылэ татын потӥсь зенитно-ракетной «Оса-АКМ [ӟуч] (удм.» мобильной комплекслы сӥзем синпелет юнматэмын.

1967-тӥ арын Ижысь электромеханикая заводлы кадръёс дасян вылысь 19 номеро техникая училище усьтэмын вал, али со А. В. Воскресенский нимо радиоэлектроникая но ивортодэт технологиосъя техникум сямен тодмо, татын дышетскемъёс пӧлысь котькуд куинетӥез предприятие интыясько.

Санкциос

2022-тӥ арын 16-тӥ толсуре предприятиез Украинаын тылож пуромемен валче Евросоюзлэн санкциоосъя списоказ пыртӥзы^[1] .

Тазьы ик завод Канадалэн, Украиналэн^[2] но Швейцарилэн^[3] санкциосъя списокъёсазы пыртэмын.

Данъетъёсыз

Удмурт Элькунысь Правительстволэн ужын вормонъёс басьтэмез понна премиез^[4].
«За доблестный труд» орден (2025).

Валэктонъёс

↑ Official Journal of the European Union // COUNCIL REGULATION (EU) 2022/2474. — 16 толсуре (т. Volume 65). — С. 582. Архивировано 24 толсуре 2022 арын.
↑ АКЦИОНЕРНОЕ ОБЩЕСТВО "ИЖЕВСКИЙ ЭЛЕКТРОМЕХАНИЧЕСКИЙ ЗАВОД "КУПОЛ" [ӟуч]
↑ АО "Ижевский Электромеханический Завод "Купол" [ӟуч]
↑ Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.

[:0-1] Official Journal of the European Union // COUNCIL REGULATION (EU) 2022/2474. — 16 толсуре (т. Volume 65). — С. 582. Архивировано 24 толсуре 2022 арын.

[2] АКЦИОНЕРНОЕ ОБЩЕСТВО "ИЖЕВСКИЙ ЭЛЕКТРОМЕХАНИЧЕСКИЙ ЗАВОД "КУПОЛ" [ӟуч]

[3] АО "Ижевский Электромеханический Завод "Купол" [ӟуч]

[4] Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.

[1]

[2]

[3]

[4]