Дуннеысь финн-угор калыкъёслэн конгрессы

Дуннеысь финн-угор калыкъёслэн конгрессы — урал калыкъёслэн улэм интыосысьтызы лыктэм адямиослэн ӧтчамзы. Люкаськыны кутскиз Кенешо Союз куашкам бере гинэ. Со сяна, дуннеысь финн-угорчиослэн конгрессылэсь со висъяське тани маин: финн-угорчиослэн конгрессазы люкасько наука ужасьёс, нош дуннеысь финн-угор калыкъёслэн конгрессазы вераськон мынэ политика но культура ужпумъёс сярысь.

Конгресслэн «Декларацияз» (1992) «Дуннеысь финн-угор калыкъёслэн конгрессы финн-угор но самоди калыкъёслэн представитель органзы луэ» шуыса гожтэмын ке но, солэн зэмос статусэз — огшоры общественной форумлэн кадь ик. Конгресс луэ площадка, кытын финн-угор но самоди калыкъёс быгато шараяны асьсэлэсь шуг-секытъёссэс но ӵошен соосты сэрттыны-пертчыны тыршо. Тросэз юанъёс герӟаськемын финн-угор кылъёсыз но культураосыз утёнэн но улӟытонэн, выжы но пичи луись калыкъёслэн правоосынызы.

Ортчем конгрессъёс

1-тӥез — 1992, 30 шункырмон — 3 толсур, Россия, Республика Коми, Сыктывкар.

2-тӥез — 1996, 16-21 гудырикошкон, Венгрия, Будапешт.

3-тӥез — 2000, толсур, Финляндия, Хельсинки.

4-тӥез — 2004, 15-19 гудырикошкон, Эстония, Таллин.

5-тӥез — 2008, 28-30 инвожо, Россия, Ханты-Мансийск.

6-тӥез — 2012, 10-13 куарусён, Венгрия, Шиофок.

7-тӥез — 2016, 15-17 инвожо, Финляндия, Лахти.

8-тӥез — 2020, 17-19 инвожо, Эстония, Тарту

Сыктывкар, аэропортлэн юртэз.
Будапешт, парламентлэн юртэз.
Helsinki-hafen.jpg

Хельсинки.
Tallinna Raekoda.jpg

Таллин.
Ханты-Мансийск, Югорской университет.
Földvár (ship, 1959), Bakony (ship, 1921). Port of Siófok. Hungary 2005 032.jpg

Шиофок.
Lahti view 2.jpg

Лахти.
Тарту.

Ссылкаос