Вукуар

Эскерем гожтос

Вукуар
Вукуар, сяськаясь будос
Тодос радлыкез
Домен: Эукариотъёс Царство: Будосъёс Подцарство: Вож будосъёс Клада: Вылӥ будосъёс Клада: Сэро будосъёс Клада: Кидысо будосъёс Отделэз: Сяськаясь Классэз: кык люкето Порядокез: Астроцветной Выжы: Астра выллемъёс Подсемейство: Астровые Триба: Крестовниковой Подтриба: Мать-и-мачеховой Род: Вукуар
Калыккуспо тодос нимыз
Tussilago L., 1753
Видэз одӥг гинэ
Tussilago farfara L. Мать-и-мачеха обыкновенная
Систематика в Викивидах Изображения на РУВИКИ.Медиа ITIS   38583 NCBI   118778 EOL   819646

Вукуар, вукуарсяська ( ӟуч Ма́ть-и-ма́чеха , лат. Tussilágo) — вазь тулыс сяськаяськись эмъяськон будос Астра яке Сложноцветной выжыысь (Asteraceae).

Видэз одӥг гинэ — вукуарсяська, вукуар (мать-и-мачеха обыкновенная) (лат. Tussilágo fárfara): трос аръем турын будос, паськыт вӧлмемын Евразиын, Африкаын, озьы ик мукет интыосын, тӧлъя ваем будосъёс выллем. Сяськая вань будосъёслэсь вазьгес, писпуос куаръяськемлэсь азьвыл. Вашкала дырысен эмъюм будос шуыса кутӥське.

Нимыз

Родэз возьматӥсь ӟуч тодос (латин) нимзэ лат. tussilago, inis f лат. tussis, is «кызонуллясь» шуыса луэ берыктыны. Та нимыз герӟаськемын кызонэз эмъянын кутӥськеменыз.

Видзэ возьматӥсь эпитет лат. farfara лат. farfarus, a, us («пызьнам») шуыса берыктӥське. Таиз нимыз куар улызлэн, пызен пызьнам выллем, тӧдьыпыръем луэменыз герӟаськемын.

Плиний Старший (23 г. н. э. — 79 г. н. э.), Каспар Баугин (1560—1624) но Ремберт Додунс (1517—1585) farfara кылэз будос ним интые кутылӥзы; Карл Линней (1707—1778) ― видзэ возьматӥсь эпитет интыын. Тодос нимыз Tussilago farfara ӟуч кылэ «Пызьньнам кызонуллясь» («Кашлегон муконосный») шуыса берыктӥське.

Вукуарсяська. Ботаническая иллюстрация из книги Köhler’s Medizinal-Pflanzen, 1887

Вукуарсяськалэн куарезлэн улӥ палыз гонэн шобыртэмын, вылыныз ӵошатыса, со небытгес но шунытгес потэ («мать»). Вылыз вольыт но кезьыт («мачеха»). Та бордысь ик ӟуч нимызкылдэмын — мать-и-мачеха.

Мукет ӟуч нимъёсыз: двоелистник, камчужная трава, лапуха студёная, мать-трава, односторонник, царь-зелье.

Вӧлмемын

Трос аръем будос паськыт вӧлмемын Евразиын (Шундыпуксёнпал Европаын, Урал, Шундыпуксёнпал Сибирьын (уйпал пасьталалалэсь 59º-лы лымшоре), Шундыӝужан Сибирь ын (уйпал пасьталалалэсь 63º-лы лымшоре), Казахстанын, Шор Азиысь но Лымшор Сибирьысь гурезьёсын, Малой Азиын) но Уйпал Африкаын, озьы ик Уйпал Америкаын тӧлын вуттэм будос сямен. Европа люкетын Арктикаозь вуэмын (Арктической Скандинавиын, Мурманск улосын, Канин нимо мукожын, Колгуев, Малоземельской но Большеземельской тундраосын).

Ӵемгес ожокарстэм интыосын будэ — ярдуръёсын, нюк бамалъёсын, озьы ик аналтэм бусыосын, утялтымтэ музъем вылын. Яратэ горд сюен, луоен, векчи изэн сураськем интыосты. Сяськаяське вазь тулыс — оштолэзе.

Кутӥськемез

Туж пайдалыко вазь тулыс мӧль сётӥсь будос. сяська возён вакытэз 40—45 нунал ӵоже кыстӥське. Лымшорпал бамалъёсын будос юнгес луэ, одӥг выжыысь ог дасо сяськалюкез кылдэ; уйпал бамалъёсын ― витёзь . Одӥг сяськлюкын (корзинкаын) 36-ысен 54-озь сяська модосэз пушъе, соослэн укто пайдалыксы 8,64—12,96 мг. Уктоез яркыт-ӵуж, 12 часозь висъяське. Мӧлез сяськаян вакытэз йылпумъяськыку гинэ кылдэ . Укто но мӧль сётэмезъя, чысны-пыснылэсь бере уг кыльы. 1 га вылысь 15 кг пала чечы люкаське.

Вукуарез пудо уг сиы. Мукет турынэн валче силослы пудо сиён дасянэ кутӥське. Вукуарез яратыса сие уйпал пужей .

Эмъяськонын кутӥськемез

Эмъяськонын вукуарсяськалэн куарез кутӥське (лат. Folium Farfarae). Дасяло тулыс, куасьто салкым азьын яке гурын 40—50 °С температуразэ чакласа .

Вукуарын тепылес макеез вань, кудӥз ньылонэз небӟытэ но кызонэз капчиятэ. Отысь курыт ватсэтъёсыз: гликозид туссилягин, са­по­ни­нъёс, ас­кор­би­но­вой ки­сло­та, танин, дубильной ватсэтъёс, каротиноидъёс но стеринъёс, грудной сборлэн пушпӧлаз пыро; калык эмъяськонын та будос трос пӧртэм висёнъёсты йӧнатон понна кутӥське.

Вукуарен кызонэз, тужгес но коклюшен курадӟыку эмъяло, жоб дыльдылэсь йӧнатско. Озьы ик кема кыстӥськись бронхит, ларингит, бронхопневмония, бронхоэкт но бронхиальной астма дыръя, куарзэ парыса, чай интые юылыны дэмлало. Будосын пирролизидиновой алкалоидъёслэн укыр трос луэменызы, та турынэн 4—6 арнялэсь кема эмъяськыны уг яра.

Геральдикаын

Наннестад комунналэн гербез

Наннестадлэн 1990-тӥ арын кылдытэм гербаз (Норвегиысь коммуна, Акерсхус губернилэн пушпӧлаз пыре) ― вож буёл вылын куинь вукуарсяська суредамын, татын со будос туж паськыт вӧлмемын.

Валэктонъёс

Литература

• Tussilago // Ботанический словарь / сост. Н. И. Анненков. — СПб.: Тип. Имп. АН, 1878. — XXI + 645 с.
• Tussilago Farfara // Ботанический словарь / сост. Н. И. Анненков. — СПб.: Тип. Имп. АН, 1878. — XXI + 645 с.
• Мать-и-мачеха / Т. В. Егорова // Ломбард — Мезитол. — М. : Советская энциклопедия, 1974. — (Большая советская энциклопедия : [в 30 т.] / гл. ред. А. М. Прохоров ; 1969—1978, т. 15).

---

• Баркалов В. Ю. Род Мать-и-мачеха — Tussilago L. // Сосудистые растения советского Дальнего Востока : Плауновидные, Хвощевидные, Папоротниковидные, Голосеменные, Покрытосеменные (Цветковые) : в 8 т. / отв. ред. С. С. Харкевич. — СПб. : Наука, 1992. — Т. 6 / ред. тома А. Е. Кожевников. — С. 214. — 428 с. — 850 экз. — ISBN 5-02-026590-X. — ISBN 5-02-026725-2 (т. 6).
• Губанов И. А. 1441. Tussilago farfara L. — Мать-и-мачеха обыкновенная // Иллюстрированный определитель растений Средней России : в 3 т. / И. А. Губанов, К. В. Киселёва, В. С. Новиков, В. Н. Тихомиров. — М. : Товарищество науч. изд. КМК : Ин-т технол. исслед., 2004. — Т. 3 : Покрытосеменные (двудольные: спайнолепестные). — С. 505. — 520 с. — 3000 экз. — ISBN 5-87317-163-7.
• Зевахин Л. Г. Камчужная трава // Пчеловодство : журнал. — 1989. — № 2. — С. 17—18.
• Кирпичников М. Э. Семейство сложноцветные, или астровые (Asteraceae, или Compositae) // Жизнь растений. В 6-ти т. / Под ред. А. Л. Тахтаджяна. — М.: Просвещение, 1981. — Т. 5. Ч. 2. Цветковые растения. — С. 462—476. — 300 000 экз.
• Ребристая О. В. Род 20. Tussilago L. — Мать-и-мачеха // Арктическая флора СССР, вып. X. Семейства Rubiaceae — Compositae / Под ред. Б. А. Юрцева. Сост. В. Н. Гладкова и др.. — М.: Наука, 1987. — С. 54—61, 179. — 411 с. — 900 экз.
• Руднянская Е. И. Пыльценосы семейства астровых // Пчеловодство : журнал. — 1981. — № 4. — С. 26—27.
• Мать-и-мачеха / Чернева О. В. // Маниковский — Меотида. — М. : Большая российская энциклопедия, 2012. — С. 391. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 19). — ISBN 978-5-85270-353-8.