Волипельга

Черкогурт
Волипельга
56°40′49″ с. ш. 51°46′48″ в. д.
Кун	Россия
Историез но географиез
Шор интыезлэн ӝуждалаез	154
Часовой поясэз	UTC+4:00
Улӥсез
Улӥсез	▲996 мурт (2021)
Цифровой идентификаторъёс
Почта индекс	427324
Волипельга

Волипельга — Удмуртиысь Вавож ёросысь черкогурт. Волипельга гурт поселение муниципал кылдытэтлэн кивалтонъя центрез.

Интыяськемез

Интыяськемын Кылт шур дурын, Вавож черкогуртлэсь 13 иськемын лымшорен шундыпуксён вискын. Вало шурлэн паллянпал ярдурысьтыз Волипельга-Вишур геоморфологической ёрослэн пушпӧлаз пыре. Кылт шур вылын пуктэм гидроузеллэн сооружениосыз 2007-тӥ арозь кутӥськылӥзы.

Историез

1716—1717-тӥ аръёсы ортчытэм Ландратской переписья, улон интылэн нимыз Кузи Пельга шуыса гожтэмын, со вакытэ отын 3 мурт улэм: 1 воргорон но 2 кышномурт. 1744—1747-тӥ аръёсы ортчытэм 2-тӥ ревизияя, Кузей Пельга шуыса гожтэмын, улӥсез — 48 мурт. В. А. Старостинлэн «Книга Вятских Родов» ужаз 1891-тӥ арын пусъем улон интыосъя реестрын Воли-Пельга (нимыз вакчи гож пыр гожтэмын) гуртын 481 мурт улӥсез пусъемын. 1905-тӥ арын Ватка губерниысь улон интыосъя лыдметын гуртлэн нимыз Волипельга шуыса, ӵош гожтэмын но отын 511 мурт улӥсез пусъемын.

Волипельгалась Космалы но Дамианлы сӥзем черк

1934-тӥ арозь Волипельгаын вӧсьлыко бессребреникъёслы Космалы но Дамианлы сӥзем черк ужаз. Приход Вӧсьлыко Синодлэн 1861-тӥ арын 13-тӥ южтолэзе гожтэм 709-тӥ номеро косэтэзъя усьтэмын. Солэн пушпӧлаз пыртэмын вал Вавож, Бадӟым Уча, Водзимонье черкогуртъёсы азьвыл пырись гуртъёс. Одӥг престолэн пу черк пуктэмын вал 1861-тӥ арын. 1902-тӥ арын прихожанъёслэн юрттэменызы ӝутэмын вал излэсь черк, озьы ик одӥг престолэн. Вӧсямын Вӧсьлыко Бессребреникъёслы Космалы но Дамианлы сӥзьыса, 1903-тӥ арын 11-тӥ тулыспалэ. 1868-тӥ арын черк бордын церковно-приходской попечительство но церковно-приходской школа усьтэмын. 1934-тӥ арын Удмурт облисполкомлэн президиумезлэн со арын ик 21-тӥ оштолэзе кутэм Порстановлениезъя, черк пытсамын вал. Юртэз школалы сётэмын. 1937-тӥ арын черк куашкатэмын. 2006-тӥ арын пичигес выль черк усьтэмын.

Улӥсез

• 2008-тӥ арын — 980 мурт;
• 2010-тӥ арын — 844 мурт

  Улӥсь калыклэн лыдыз

  2010	2012	2021
  847	↘831	↗996

100

200

300

400

500

600

700

800

900

1000

2010

2012

2021

2025-тӥ арын 1-тӥ коньывуонэ басьтэм тодэтъёсъя, Волипельга черкогуртын 726 мурт пусъемын. Соос пӧлысь: 6 аресозь нылпиос — 72 мурт, 7 аресысен 17 аресозь — 86 мурт, 18 аресысен 29 аресозь — 87 мурт, 30 аресысен 60 аресозь — 312 мурт, 60 ареслэсь мӧйыгес — 158 мурт, 80 ареслэсь кема улэмъёс — 10 мурт.

Волипельга черкогуртлэн выльдэм шор люкетэз

Туалаез

2023-тӥ арын Волипельга черкогуртын «Милям кичӧлтонмы» но «Гурт улон интыосты котыр ласянь азинтон» программаос улсын гуртлэн шор люкетэз выльдэмын, шутэтскон инты кылдытэмын. "СХП «Авангард» ООО-лэн контораез котыртӥ брусчатка вӧлдэмын, машинаослы дугдылон инты асфальтэн шобыртэмын, фонаръёс но ӟусъёс пуктылэмын. Озьы ик ульча тренажёръёс но нылпиослы ӟечыранъёс тупатэмын.

Волипельгалан сылэ гуртысь нырысетӥ тракторлы синпелет. Со пуктэмын 1970-тӥ арын 11-тӥ коньывуонэ, Удмуртилэн кунлыкезлы 50 ар тырмонэн валче. Тракторез пыраклы сылон интыяз вуттӥз гуртысь механизатор, Быдӟым Атыкай оже пыриськем мурт Василий Сухарев. Та учыр киноплёнка вылэ шедиз. Ижкарысь ГТРК «Удмуртилэн» студияз со сярысь кылдытэмын вал документальной фильм.

Валэктонъёс