Ившин, Вениамин Никонорович

Вениамин Никонорович Ившин
Вордӥськем дырыз	30-тӥ коньывуонэ 1947({{padleft:1947|4|0}}-{{padleft:10|2|0}}-{{padleft:30|2|0}}) (78 лет)
Вордӥськем интыез	Ванялуд, Сосновоборской гурт поселение[d], Кез ёрос, Удмурт Автономной Советской Социалистической Республика, РСФСР, СССР
Кунмуртлыкез (подданство)	СССР  Россия
Ужудысэз	кылбурчи, редактор, журналист, берыктӥсь, публицист
Данъетъёсыз	Удмурт Элькунлэн Кун премиез Кузебай Герд нимо йӧскалык премия

Вениами́н Никоно́рович (яке Никанорович) И́вшин (ворд. 30-тӥ коньывуонэ 1947, Ванялуд, Удмурт Автономной Советской Социалистической Республика) — тодмо удмурт поэт, публицист, редактор, кылысь кылэ берыктӥсь, Россиысь писательёслэн огазеяськонзылэн ёзчиез, Удмуртиысь (1994) но Россиысь (1998) лулчеберет удысысь сӥё-дано ужась, Удмурт Элькун премилэн лауреатэз.

Улон но ужан сюресэз

Вордскемын 1947 арын 30-тӥ коньывуонэ Кез ёросысь Ванялуд гуртын.

Уно кылбур сборникъёс поттӥз, соос пӧлын: «Мар дуно?», «Инбаммы одӥг», «Выжъёс», «Ворпо гуждор» но мукет. Аслэсьтыз гожъямъёссэ сяна, дасяз но поттӥз Михаил Ильинлэсь «Чильтыро ӟольгыри», Григорий Верещагинлэсь «Куазие, куазие» но мукет авторъёслэсь кылбуръёсын но веросъёсын бичетъёссэс. Пушкинлэсь «Сказка о попе и работнике его Балде» удмурт кылэ берыктэм выжыкылэз вылӥ дунъямын вал калыккуспо вожвылъяськонын.

1971 арын Удмурт кун пединститутэз йылпумъяса, «Дась лу!», «Советской Удмуртия» газетъёсын ужаз, «Кизили» но «Кенеш» журналъёслэн валтӥсь редакторзы, 1994-тӥ арысен — «Удмуртия» книгапоттоннилэн валтӥсь редакторез вал.

2001-тӥ арын «Удмуртская Республика» энциклопедия кылдытон бордын ужамез понна Вениамин Никонорович Ившинлы Кун премия сётэмын.

2002-тӥ арын Любовь Фёдороваен ӵош витетӥ классын дышетскись нылпиослы «Удмурт литература» учебник-хрестоматия поттӥз. Удмурт кылэ берыктылӥз А. С. Пушкинлэсь, Н. А. Некрасовлэсь, С. А. Есенинлэсь, О. А. Поскрёбышевлэсь но мукет тодмо гожъяськисьёслэсь произведениоссэс. «Сказка о попе и о работнике его Балде» берыктэм ужез понна удостоен Москваысь Кивалтэтлэн литературной премиеныз пусъемын «Ӟуч классикаез тужгес ӟеч берыктэмъёс» номинациын. 2008-тӥ арын Эшъяськон орденэн пусъемын. 2015-тӥ арын нылпиослы поттэм «Пуньы буясь коньы» книгаез Удмурт Элькун Кивалтэтлэн литературной премиеныз пусъемын. 2019-тӥ арын «Лучшее литературное произведение 2019-тӥ арлэн удмурт кылын тужгес устоез литературной произведение» вожвылъяськонын лауреат луиз, «Тужгес устоес нылпиослы гожтэм произведение» номинациын.

Семьяез

Кузпалыз — Валентина Михайловна Ившина — педагог, мерлыко ужась, педагогика тодосъёсъя кандидат, Росси Федерациысь калыкез дышетон удысысь отличник.

Алексей пизы но Анастасия внучказы вань.

Валэктонъёс

Чӧлсконъёс

• Книжная выставка к юбилею Вениамина Ившина
• Краткая биографическая справка и перечень книг В. Ившина