Бехтерева, Людмила Николаевна
| Людмила Николаевна Бехтерева | |
|---|---|
| Вордскем нимыз | Людмила Николаевна Паранина |
| Вордӥськем нуналыз | 11-тӥ гудырикошконэ 1968 (58 арес) |
| Вордӥськем интыез | Куюк гурт, Грах ёрос, УАССР, РСФСР, СССР |
| Ужудысэз | историк |
| Атаез | Николай Михайлович Паранин |
| Анаез | Алевтина Прокопьевна Паранина |
| Кузпалыз | Сергей Львович Бехтерев |
Людми́ла Никола́евна Бе́хтерева — Удмуртиысь историк, истори наукаосъя кандидат (1998). Тунсыкъяське НЭП-лэн вакытэныз.
Вордскемын Грах ёросысь Куюк гуртын интеллигентъёслэн семьяязы. Анаез Алевти́на Проко́пьевна — удмурт, кема аръёс ӵоже школаын ӟуч кыллы дышетӥз, берлогес культурая юртэн кивалтӥз. Атаез Никола́й Миха́йлович Пара́нин — ӟуч, ужаз киномеханик луыса, собере колхозын бригадирын.
Людмила Николаевна дас класс бере Кузонысь кун университетлэсь историяя факультетсэ йылпумъя. Собере ужаны кутске Историяя, кылъя но литературая Удмурт институтын.
Картэз Сергей Львович — истори наукаосъя доктор, профессор, Удмурт кун университетысь правоя, социальной кивалтонъя но кышкыттэмлыкъя институтын дышетэ. Сергей нимо пизы вань.