Юмга-Омга
| Гурт | |
| Юмга-Омга | |
|---|---|
 | |
| 57°14′32″ с. ш. 52°13′04″ в. д.GЯO | |
| Кун | |
| Цифровой идентификаторъёс | |
| Почта индекс | 427273 |
|
|
|
Юмга́-Омга́ (мукет нимъёсыз — Юмга, Ӟуння, Зюнья) — Сьӧлта ёросысь вашкала удмурт посёлок.
Интыяськемез
Посёлок интыяськемын элькунлэн шундыпуксён палаз, лысо-куаро нюлэсъёс пӧлын[1], Силепурка шурлэн ярдураз. Ёрос центрлэсь — Сьӧлталэсь — ог 6 иськемын (шонерак). Ӝуждалаез — 165 метр зарезь вадьсын.
Куазь
Куазь умеренно континентальной. Толалтэ кузь но лымыё, гужем вакчи но шуныт. Тужгес шуныт вакытэ — пӧсьтолэзе — шоро-куспо температура — 18,2 °C (тужгес вылӥез — + 38 °C); тужгес кезьыт — толшоре — 14,5 °C (тужгес улӥез — −48 °C). Шуныт куазь 124 нунал пала кыстӥське. Ар ӵоже шорлыдын 520 мм зор-кот усе, со пӧлысь 370 миллиметрез — оштолэзьысен коньывуонозь. Лымы 160—165 нунал ӵоже возиське[2].
Историез
Нырысьсэ Кузон губерниысь Анлед Юмья гуртлэн нимыз 1716-тӥ—1717-тӥ аръёсы ортчем Ландратской лыдъян-чотанын пумиське. Соку 12 азбарын 49 адями улӥз[3].
2‑тӥ ревизилэн ивортодэтэзъя (1744—1747), Юмья Юмга гуртын 54 улӥсез вал[3].
ХІХ даурлэн кыкетӥ ӝыныяз гуртын улӥсьёслэн лыдзы трослы будӥз: 1859-тӥ—1873-тӥ аръёсы ортчем лыдъян-чотанъя, Малмыж утемысь Юмги-Юмга (Слепур-Зюнья, Силяпур) гуртын 35 азбарын 134 пиосмурт но 142 кышномурт улӥз[3].
1885-тӥ арын фольклор но диалектологической экспедициен гуртэ вуылӥз Венгриысь тодмо филолог Б. Мункачи[4].
Вотской автономной улос кылдэм бере, 1924-тӥ арозь, Юмга-Омга Лудӟи-Жикья сельсоветэ пыре вал. 1925-тӥ арысен 1957-тӥ арозь Юмга-Омга гуртын Юмга-Омга сельсоветлэн кивалтонэз интыяськиз. 1959-тӥ арын гурт Выль Мӧнья сельсоветэ выжтэмын. Собере, 2002-тӥ арозь, Югдон сельсоветэ пыриз, бӧрысь — Сюромошур гурт поселение[3].
Валэктонъёс
- ↑ Приказ Министерства природных ресурсов Российской Федерации от 28 марта 2007 г. № 68 «Об утверждении Перечня лесорастительных зон и лесных районов Российской Федерации»
- ↑ Схема территориального планирования МО "Селтинский район" Удмуртской Республики Федеральная государственная информационная система территориального планирования (ФГИС ТП).
- ↑ 1 2 3 4 Юмга-Омга [ӟуч] Родная Вятка.
- ↑ «Юмга-Омга, или Ӟуння» [ӟуч] Russian Publishers Association.
Литература
- Валентина Уразаева. «Юмга-Омга, или Ӟуння». — Ижевск: Удмуртия. — ISBN 9785765908983.