Эшлэн нуналыз
| Эшлэн нуналыз | |
|---|---|
 | |
| Пусъё | 20 пӧсьтолэзе |
| Дырыз | 20-тӥ пӧсьтолэзе но 23-тӥ пӧсьтолэзе |
| Пусъён ужрадъёс | Латин Америкаысь кунъёс |
Эшлэн нуналыз, ӟуч: День друга (исп. Día del Amigo) — арлы быдэ 20 пӧсьтолэзе пусйиське Аргентинаын, Эквадорын, Бразилиын но Уругвайын, озьы ик 30-тӥ пӧсьтолэзе Парагвайын но пӧсьтолэзьлэн нырысетӥ кӧснуналаз Перуын. Та нуналэ эшъёсты кузьымъёсын шумпотто.
Историез
Пуэрто-Пинаско парагвай карысь доктор Рамон Артемио Брачо кичӧлтэмъя, 1958-тӥ арын калыкъёс куспын эшъяськонэз юнматонлы сӥзем кампания радъямын вал. Эмчи малпамъя, та нунал арлы быдэ пусйиськись нуналъёс пӧлы пыртэмын луыны кулэ вал. Парагвайын та нуналэз 30-тӥ пӧсьтолэзе пусйыны кутскизы.
Аргентинаын Эшлэн нуналзэ, Энрике Эрнесто Феббраро журналистлэн кичӧлтэмезъя[1] , 20-тӥ пӧсьтолэзе пусйыны кутскизы но вакчи дыр куспын та нунал яратоно праздниклы пӧрмиз. Солы луыса, та нуналэ Буэнос-Айрес, Мендос, Кордова но Росарио каръёсын укыр трос ӟечкыланъёсын жингыртонъёслэсь огдырлы мобильной герӟет ик ужамысь дугдылэ. Сыӵе югдур Рождествоен но Выль арен ӵошатымон луэ.
Бразилиын Эшлэсь нуналзэ 18-тӥ южтолэзе пусъё.
Перуын, 2009-тӥ арысен кутскыса, пӧсьтолэзьлэн ныорысетӥ кӧснуналаз пусъё.