Шахматлэн калыккуспо нуналыз
| Шахматлэн калыккуспо нуналыз | |
|---|---|
 | |
| Пусъё | арлы быдэ |
| Ортче | 1966 |
Шахматлэн калыккуспо нуналыз, ӟуч Международный день шахмат (англ. International Chess Day) — шахматлы сӥзем калыккуспо праздник. Пусйиське, 1966-тӥ арысен кутскыса, арлы быдэ 20-тӥ пӧсьтолэзе[1].
Историез
Шахматлэн калыккуспо нуналыз 1966-тӥ арысен пусйиське. Кичӧлтӥсез — Шахмаэн шудонъя дунневыл Федерация (ФИДЕ), кудӥз кылдытэмын вал 1924-тӥ арын 20-тӥ пӧсьтолэзе Парижын[2]. ФИДЕ-лэн тодэтъёсызъя, 2012-тӥ арын дуннеын 605 миллион шахматэн ялан шудӥсь муртъёс пусъемын вал[3].
Та нуналэз 178 кунъёсын пусъё. Пусъён сям ЮНЕСКО-ен юнматэмын. ФИДЕ эгида улсын та нуналэ пӧртэм ӵошатсконъёс но ужрадъёс ортчыло[4]. Озьы ик шахматэн шудон сеансъёс пытсэтамъёс куспын но ортчытъясько ини[5].
2004-тӥ арын 20-тӥ пӧсьтолэзе дуннелэн чемпионэз Анатолий Карпов Кремльын шудон сеанс ортчытӥз. Озьы ик со Владимир Жириновскийен нокин вормытэк шудӥз. Соос чынмарӟанлэсь лэсьтэм 150 сюрс доллар тыр сылӥсь художественной шахматэн шудӥзы[6].
Валэктонъёс
- ↑ [www.calend.ru/holidays/0/0/61/ Международный день шахмат — 20 июля. История и особенности праздника в проекте Календарь Праздников 2010]
- ↑ Международный день шахмат РИА Новости (2012-07-20). Эскеремын 2015-07-06 аре
- ↑ AGON releases new chess player statistics from YouGov(англи) FIDE (2012-08-09). Эскеремын 2015-07-11 аре
- ↑ 178 стран отмечают Международный день шахмат Вести.Ру (2013-07-20). Эскеремын 2015-07-06 аре
- ↑ По случаю международного дня шахмат батюшка провел сеанс одновременной игры с… заключенными. Церковно-научный центр «Православная Энциклопедия»
- ↑ Василенко Р. (2004-07-29) 20 июля – ВСЕМИРНЫЙ ДЕНЬ ШАХМАТ Русский Базар, № 31 (431). Эскеремын 2015-07-06 аре
Чӧлсконъёс
- International Chess Day(англи) internationalchessday.com. Эскеремын 2015-07-06 аре