Учкакар
| Городище | ||
| Учкакар | ||
|---|---|---|
| ӟуч: Кушманское городище | ||
 | ||
| 58°13′37″ с. ш. 52°18′01″ в. д.GЯO | ||
| Кун |
 Россия |
|
| Улос | Удмуртия, Яр ёрос | |
| Нырысьсэ веранъёс | IX даур | |
| Инлыкез | Археологи синпелет | |
| Югдурез | гудыса утчаськон ужъёс нуисько | |
|
|
||
 |
||
Учкака́р (Учка-кар) (ӟуч: Кушма́нское городи́ще) — археологи синпелет, Чупчи археологи лулчеберетысь вашкала каръёс пӧлысь одӥгез тужгес бадӟымез. Интыяськемын Удмуртиысь Яр ёросын Чупчи шурлэн бурпал ярдураз. Учка починкалэсь 2 иськемын шур улланьын. Починкалэн нимызъя ик Учкакар нимамын.
1930-тӥ арын вашкала кар бервылын паськытатэм гудӥськон учаськонъёс ортчытӥз А. П. Смирнов. Соку кӧня ке юртъеръёслэн, кебитлэн но мукет лэсьтосъёслэн кылем-мылемъёссы шедьтэмын вал. Карын кык оборонительной линиос (мудэт+вукырем) вылэм. 2011-тӥ арын куинетӥез пуш оборонительной линия шедьтэмын, аръёс ортчемъя со согиськем. Та тодмет Учкакарез Иднакарен огвыллем каре.
Вашкала кар ог-огзылэсь 80-100 метрлы палэнэ лэсьтэм кык мудэтэн но вукыремъёсын юнматэмын. Педпал мудэтлэн но вукыремлэн кузьдалаез 126 м, пуш ласянь лэсьтэмезлэн — 94 м. Культурной слоез куд-ог интыосын 1,5 метрозь вуэ, отысь трос кылем арбериос шедьтэмын. Кидысъёс пӧлын тужгес тросэн пумиське йыды (33,8 %), чабей (однозернянка) но вазь (ӟуч: полба) (23,8 %), ӟег (20,0 %), сезьы (10,6 %) но кенэм (10,8 %)[1].
Педпал суредъёс
2017-тӥ арын Россиысь Тодосъёсъя академилэн Этнологияя но антропологияя институтысьтыз пластической реконструкцияя М. М. Герасимов нимо лабораториын, XI—XII дауръёсы улэм 25-30 аресъем кышномуртлэн шедьтэм йырлыез вылэ пыкиськыса, Учкакарын улӥсьлэн тусыз кылдытэмын вал[2].
Антропологической типезъя со уралоидной луэ: йырыз мезобрахикефальной, ымнырыз кузьдалаезъя шоро-куспо, паськыт ик ӧвӧл, пачкес, нырыз пичи, ныр лыэз шонер[3].
Озьы ик учке
Валэктонъёс
- ↑ Лебедева Е. Ю. Предварительные результаты изучения археоботанической коллекции средневекового городища Учкакар (Кушманское) // Аналитические исследования лаборатории естественнонаучных методов. Вып. 3 / Отв. ред. и сост.: Е. Н. Черных, В. И. Завьялов. М.: Институт археологии РАН, 2013. С. 182—194.
- ↑ 1 2 Портрет чепецкой девушки реконструировали в Москве
- ↑ Григорьева О. М., Веселовская Е. В., Васильев С. В., Дёмин А. С. Восстановление внешнего облика женщины из могильника Шайвыл Кушманского комплекса археологических памятников Удмуртской Республики // Известия Иркутского государственного университета. Серия: Геоархеология. Этнология. Антропология. — 2018. Архивировано 31 пӧсьтолэзе 2021 арын.
Литература
- Генинг В. Ф. Археологические памятники Удмуртии. Ижевск: Удмуртское книжное изд.-во, 1958. С. 146.
Чӧлсконъёс
- Иванова М. Г., Журбин И. В., Модин Р. Н. Кушманский комплекс памятников X—XIII веков в бассейне реки Чепцы: основные результаты междисциплинарных исследований // Вестник Удмуртского университета. 2017. Т. 27. Вып. 4.
- Кириллов А. Н. Исследования Кушманского городища «Учкакар» в 2011—2012 годах