Трудоголиклэн нуналыз
| Трудоголиклэн нуналыз | |
|---|---|
| Файл:Трудоголик.webp | |
| Пусйиське | арлы быдэ |
Трудоголиклэн нуналыз, англ. Workaholics Day) — ас ужазы выем муртъёслэн праздниксы. Пусйиське арлы быдэ 5 пӧсьтолэзе дуннеысь тросаз кунъёсын.
Та неофициальной праздник кылдытэмын вал ас ужазы выйыса улӥсь муртъёсты кӧня ке вырӟытон но улон манерзэс пичияк воштон понна.
Трудоголикъёслэн девиззы: «Ми ужаськом улон понна»[1].
Историез
Неофициальной праздник Workaholics Day кылдӥз США-ын, дыр ортчемъя, мукет кунъёсы но выжиз, соин валче, Россие но. Та праздник сӥземын ас ужзэс ваньмызлэсь вылэ пуктӥсь муртъёслы. Соослы, кин «улэ уж дураз».
«Трудоголизм» кыл кылдӥз 1971-тӥ арын, американ психологлэн но вӧсьбуро проповедниклэн Уэйн Эдвард Оутслэн «Исповедь трудоголика» книгаез потэм бере. Та кылын автор возьматӥз адямилэсь дугдылытэк ужанлэсь тазалык вылын шӧдӥськемзэ[2].
Трудоголикъёс понна:
- уж нырысетӥ интыын;
- укыр юн сюлэмшугъяськись сям;
- семьяез но личной улонэз ӧвӧл;
- трудоголик луэмзэ валасьтэм[3].
Трудоголизм — адямилэн тужгес ӵем пумиськись эриктэмлыкез. Сыӵе мурт укыр трос ужаса вунэтэ улонлэн мукет палъёсыз сярысь. Ӵемысь, солы луыса, куашка семья кусыпез, лябӟе тазалыкез[4].
Психологъёс трудоголизмлэсь куинь симптомзэ пусъё:
- котьку ужан потон мылкыдын улон,
- ужамтэ дыръя но ужан сярысь малпаськон,
- висъям дырлэсь трос ужан.
Трудоголиклэн нуналыз нимысьтыз малпамын ужаны яратӥсьёслы шутэтскон дыр сярысь тодазы вайытон понна.
Сям-йылолъёс
Трудоголиклэн нуналаз ӵемысь данъяло ӧнерлыко быгатонлыкъёссы понна. Соин валлин, тодазы вайыто семья но шутэтскон сярысь[5].
Тунсыко зэмлыкъёс
Трудоголизмлэн мугъёсыз — перфекционизм, астэ ултӥ карон, дӥсьтӥсьтэм луон, зэмос улонлэсь пегӟон, вормонъёс сьӧры уйиськон.
Ӵемысь трудолюбиез трудоголизмен сурало. Ужез яратӥсь муртъёс вань ужзэс дырыз дыръя быдэсто, ваньмон дырзэс матысь адямиосынызы ортчыто. Шутэтскон дыръя шутэтско. Трудоголикъёс шутэтсконэз валатэк, асьсэды курадӟытыса ужало. Улонлэсь чебер палзэ уг адӟо[2].
Трудоголизмлэн умой палыз — ӵемгес карьеразэс туж ӝог лэсьто, уж дурын ответственной но сётэм ужез дырыз дыръя быдэсъясь сямынызы висъясько[5].
Валэктонъёс
- ↑ День трудоголиков Государственное казенное учреждение г.Москвы "Энергетика".
- ↑ 2,0 2,1 Колпакова М. А. Трудоголизм как аддикция // Бюллетень медицинских интернет-конференций : журнал. — 2014. — № 11.
- ↑ Всемирный день бикини, День трудоголика, Евсеев день: Какие праздники и приметы 5 июля Life.ru.
- ↑ Сегодня отмечается День трудоголиков Молодёжная газета.
- ↑ Комсомольская правда.
Литература
Лукьянов Олег Валерьевич, Щеглова Элеонора Анатольевна, Неяскина Юлия Юрьевна. Современный психологический образ трудоголика человека, извращённо представляющего место и роль труда в его жизни // Вестник Томского государственного университета. — 2013. — № 376.
Рядинская Евгения Николаевна, Волобуев Вахтанг Вячеславович. Социально-психологические и личностные особенности проявления трудоголизма // Известия Саратовского университета. Новая серия. Серия Философия. Психология. Педагогика. — 2023. — № 1.
Колпакова М. А. Трудоголизм как аддикция // Бюллетень медицинских интернет-конференций. — 2014. — № 11.
|
Та материаллэн правообладателез АНО «РУВИКИ» Интернет-энциклопедия». Мукет сайтъёсын тае АНО «РУВИКИ» Интернет-энциклопедия» лэземъя гинэ кутыны луэ |