Вуж Салья
| Гурт | |
| Вуж Салья | |
|---|---|
 | |
| 56°10′36″ с. ш. 53°10′56″ в. д.GЯO | |
| Кун | |
| Улӥсез | |
| Улӥсез | |
| Цифровой идентификаторъёс | |
| Почта индекс | 427847 |
|
|
|
Вуж Салья́ (Салля́, Салья́; ӟуч: Старая Салья) — Удмурт Элькунысь Кияса ёросысь удмурт гурт.
Интыяськемез
Вуж Салья интыяськемын Кияса ёрослэн лымшор палаз, ёрос центрлэсь 17 иськемын (шонерак), Ижкарлэсь — 87 иськемын. Гурт пыртӥ бызе Тайвади шур.
Интыяськемын лысо-куаро нюлэсъёс пӧлын, Сарапул вырйылын[2]. Ӝуждалаез — 96 метр зарезь вадьсын.
Куазь
Куазь умеренно континентальной. Толалтэ кузь но лымыё, гужем шуныт. Ар ӵоже шоро-куспо темература — +2,3 °С. Тужгес шуныт вакытэ — пӧсьтолэзе — шоро-куспо температура — 18,9 °C (тужгес вылӥез — + 38 °C); тужгес кезьыт — толшоре — 14,3 °C (тужгес улӥез — −48 °C). Ар ӵоже шорлыдын 500—600 мм зор-кот усе, соос пӧлысь 371 миллиметрез — оштолэзьысен коньывуонозь. Лымы 160—165 нунал ӵоже возиське[2].
Улисьёсыз
2002-тӥ арын ортчем переписьлэн йылпумъянъёсызъя, гуртын улӥсь 631 мурт пӧлысь 96 процентэз удмуртъёс вал[3].
2020-тӥ арын ортчем лыдъян-чотанъя, Вуж Сальяын вал 407 улӥсез.
Туризм
Вуж Салья гуртын «СальяДор» агроусадьба интыяськемын. Котыраз сиён пӧран интыен беседка, мангал, мунчо, нылпиослы но спортъя площадкаос тупатэмын. Агроусадьбалэн куноосыз валэн яке вашкала уробоен ворттылыны, тыметын чорыганы яке футболэн, волейболэн, ӝӧквыл теннисэн шудыны быгатозы. Озьы ик кузёос пудо вордон фермае но пасекае экскурсиос ӵекто[4].
Тодмо гуртоос
- Баранов Юрий Петрович (1950—2023) — 20 ар ӵоже Вуж Салья школалэн директорез вал, РСФСР-ысь калыкез дышетонъя отличник, Удмурт Элькунысь калыкез дышетон удысысь дано ужась.
- Крылов Василий Дмитриевич (1878—1919) — югдытӥсь, кылчи, священник. Дышетӥз Вуж Салья школаын[5].
- Никифоров Дмитрий Июдович (1965—1984) — ВДВ-лэн 103-тӥ дивизиысьтыз 350-тӥ гвардейской полкысь 9-тӥ парашютно-десантной роталэн парашютно-десантной отделениезлэн командирез. Горд Кизили орденэн пусъемын (кулэмез бере)[6].
Валэктонъёс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ 1 2 Схема территориального планирования Киясовского района Удмуртской Республики Официальный сайт администрации Киясовского района.
- ↑ Коряков Ю. Б. База данных «Этно-языковой состав населённых пунктов России»
- ↑ Агроусадьба «СальяДор» [ӟуч] visitudmurtia.org.
- ↑ Крылов Василий Дмитриевич [ӟуч] Воршуд.
- ↑ Евгений Ренёв «Это парни, которым будет вечно по двадцать…»*. №16 (5651) | 15 февраля Известия Удмуртской Республики.