Росси Федерациысь Кун флаглэн нуналыз
| Росси Федерациысь Кун флаглэн нуналыз | |
|---|---|
 Россилэн флагез | |
| Типез | Кун праздник |
| Юнматэмын | 20 гудырикошконэ 1994-тӥ арын |
| Пусъё | Россия |
| Дырыз | 22-тӥ гудырикошконэ |
| Пусъён ужрадъёс | 22-тӥ гудырикошконэ |
| Герӟаськемын | 1991-тӥ арын Росси флагез юнматэнэн |
 Медиафайлъёс РувикиМедиа пушкын | |
Росси Федерациысь Кун флаглэн нуналыз ӟуч: День Государственного флага Российской Федерации — Россиын официально юнматэм праздникъёс пӧлысь одӥгез; юнматэмын 1994-тӥ арын Росси Федерацилэн Президентэзлэн Косэтэзъя[1], пусйиське 22-тӥ гудырикошконэ, ужан нуналэн лыдъяське. Сӥземын Росси Федерацилэн выльдэм флагезлы — Россилэн — «куинь буёло йӧскалык флаглы».
Историез
Август путч йылпумъяськем бере, выль кун пусъёс сярысь Решение кутэмын вал. 1991-тӥ арын 22-тӥ гудырикошконэ РСФСР-лэн Вылӥ Кенешезлэн ёзчиосыз ӵук кенешын РСФСР-лэн йӧскалык флагез сярысь Пуктэт кутӥзы: огкадь быдӟалаё тӧдьы, чагыр но горд ӵошкинэс куръёслэсь полотно. Соотношениез 2:3.
20-тӥ гудырикошконэ Кивалтэт юрт вӧзы 200 сюрс адями люкаськиз. Ӝыт комендантской час юнматэмын вал. Со нуналэ ик 20-тӥ гудырикошконэ Выль Арбатын бугыръяськонъёс дыръя бырыны шедем активистъёсты Д. Комарез, И. Кричевскийез, В. Усовез буре ваён митингын тӧдьыен-лэзэн-гордэн бадӟым полотно поттӥзы.
22-тӥ гудырикошконэ ГКЧП-лэн вань ёзчиосыз пытсэт улэ басьтэмын вал. СССРлэн Президентэз М. С. Горбачёв семьяеныз Форосысь Москвае бер уйин гинэ берытскиз (Ту-134 самолётэн Внуково аэропортэ). Митинге потэм 100 сюрс пала адями кун флаглы куинь буёло флагез умоен лыдъяз.
1994-тӥ арын 20-тӥ гудырикошконэ Россилэн Президентэз Борис Ельцин «Росси Федерацилэн Кун флагезлэн нуналыз сярысь» Косэт гожтӥз, отын Флаглэсь нуналзэ 22-тӥ гудырикошконэ пусъёно шуыса гожтэмын вал[2].
Официально РСФСР-лэн кун флагез юнматэмын вал 1991-тӥ арын 1-тӥ шуркынмонэ.
Флаглэсь нуналзэ пусъён
2007-тӥ—2008-тӥ аръёсы нуналэз пусъён ужрадъёс: 2008-тӥ арозь сӥзьылозь Россиын кун пусъёсты эрико кутыны уг яра вал.
2007
Санкт-Петербург
Росси Федерацилэн Кун флагезлэн нуналыз нырысьсэ паськыт пусъемын вал 2007-тӥ арын. Пӧртэм шулдыръяськон но сӥё-дано ужрадъёс ортчизы[3]:
- Петропавловской крепостьлэн Нарышкин нимо бастионысьтыз Петербургын улӥсь пӧртэм выжыполэсъёс «Полуденной выстрел» сётӥзы. Ваньмызлы ужрадэ пыриськем муртъёслы кун пусъёсын лентаос, галстукъёс, пичи флагъёс кузьмазы.
- Крепостьлэн историяз бастионын нырысьсэ сӥё-дано кун флаг ӝутэмын вал.
Москва
Москваын Флаглэсь нуналзэ пусъён дыръя гребной каналын ӝутэмын тужгес бадӟымез флаг — 383 м² но секталаезъя 26 кг.
Сочи
Россиын ваньмызлэсь вылэгес ӝутэмын флаг секталаезъя 75 кг но быдӟалаезъя 70 м².
2008
Ульяновск
Вормонлы 30 ар тырмонлы сӥзем синпелет дорысен Ленинлэн вордӥськем дырысеныз 100 ар тырмонлы сӥзем площадьозь сӥё-дано мынэт радъямын вал. Валтӥсь пусэз — 30 метръем флаг. Со сяна, та ужрадэ пӧртэм политической партиосысь азьветлӥсьёс пыриськизы[4].
2009
Новосибирск
2009-тӥ арын 22-тӥ гудырикошконэ Ленин нимо площадьын (карлэн валтӥсь площадез) ортчиз Росси куншетэз адямиослэсь сӥё-дано кылдытон ужрад.
2010
Москва
2010-тӥ арын Флаглэн нуналызлы сӥзьыса, Москваын оппозицилы дурбасьтӥсьёсты мынэтъёсы пыриськыны лэземын ӧй вал. Нош кин тӧрлыклы пумит ӟуч триколорен Выль Арбатэ потӥз, соосты уллязы, 20 пала адямиез пытсэтазы, соос пӧлы шедизы Лев Пономарев, Борис Немцов но Михаил Шнайдер[5][6].
Молдавия
Молдовалэн шоркараз — Кишинёвын Операя но балетъя театр вӧзын, Россиысь Кун флаглэсь нуналзэ пусъёнлы сӥзьыса, исторической фехтования турнир ортчиз. Сое радъяз "Молдова Элькунысь ӟуч егитъёслэн лигазы[7].
2012
Молдавия
Россилэн флагезлэн нуналэзлы сӥзьыса, Молдавиысь 6 бадӟым каръёсын шулдыръяськонъёс ортчизы. Кишинёвын, Балтиын, Кахулын, Эдинетын, Дрочияын но Бричениын «Молдава Республикаысь ӟуч егитъёслэн лигазы» ӟуч лентаос люкылӥз, юалляськонъёс но автомотопробегъёс ортчытӥз, улӥсьёслы праздниклэсь историзэ валэктӥз[8].
2014
Омск
2014-тӥ арын 22-тӥ гудырикошконэ Омскын 225 автомобильлэсь росси флаг кылдытэмын вал.
2019
Москва
Москваын праздникез пусъён 22-тӥ гудырикошконысен 25 гудырикошконозь кыстӥськиз[9].
24-тӥ гудырикошконэ Академик Сахаров нимо проспектын «Флаг-Рекордсмен» флеш-моб ортчиз, сое кылдытонэ Россилэн пӧртэм улосъёсысьтыз но мерлыко огазеяськонъёслэсь кык сюрс пала флагъёс кутэмын вал. Флеш-моб бере проспектын «Герои рядом с нами» ралли-концерт чакламын вал. 25-тӥ гудырикошконэ крезьгурчиос Йыбырттон гурезьын кырӟазы (Владимир Девятов, Алексей Хворостьян но мукетъёсыз)
Пумиськон-концертэз радъясьёс пӧлысь одӥгез, Афганистанысь ветеранъёслэн Россиысь огазеяськонзылэн правлениезлэн тӧроезлэн воштӥсез Пётр Петров кӧснуналэ — 24-тӥ гудырикошконэ ужрадэз ортчытыны куронэз сярысь тазьы валэктӥз[10]:
Но это же четверг, рабочий день, никого не собрать. А суббота — самый оптимальный день, люди придут с семьями. Это серьёзное государственное мероприятие, 350 лет российскому флагу.
Валэктонъёс
- ↑ Указ от 20 августа 1994 г. № 1714
- ↑ УКАЗ Президента РФ от 20.08.1994 N 1714 «О дне государственного флага Российской Федерации» Архивная копия от 26 гудырикошконэ 2014 на Wayback Machine
- ↑ «День Флага отпразднуют в Петербурге» [недоступная ссылка] «Деловой Петербург Архивная копия от 22 куарусёнэ 2015 на Wayback Machine» ISSN 1606-1829 (Online) со ссылкой на БИА 17 августа 2007 года
- ↑ «В Ульяновской области пройдёт торжественное шествие в честь Дня Российского флага» Архивная копия от 13 куартолэзе 2009 на Wayback Machine 22 августа 2008 года
- ↑ Политик Иван Рыбкин — о политическом беспамятстве наследников августа 1991-го. Радио Свобода. 22.08.2011
- ↑ В Москве состоялись шествие и митинг к 20-летию победы над путчем. 22.08.2011
- ↑ Рыцарский турнир в центре Кишинёва в честь Дня российского флага 22.08.2010
- ↑ В Молдавии День Флага России отметили раздачей российских триколоров 22.08.2012
- ↑ Запустить змея, сыграть в рок-группе, приготовить сбитень: как отметить День флага России Mos.ru.
- ↑ Ветераны-«афганцы» и герои России проведут в субботу митинг на проспекте Сахарова Русская служба Би-би-си.