Россиысь коммунистической рабочей партия
Россиысь коммунистической рабочей партия КПСС-лэн пушпӧлаз (РКРП-КПСС) — Россиысь политической партия.
Партилэн ёзэсъёсыз — «Трудовая Россия» но «Мысль» газетъёс, «Советский Союз» журнал. Партилэн кивалтӥсез — Виктор Аркадьевич Тюлькин.
Историез
Россиысь ужась калыклэн коммунистической партиез (РКРП) 23-тӥ шуркынмонэ 1991-тӥ арын кылдытэмын. Солэн нырысетӥ съездэз ортчиз 23—24-тӥ шуркынмонэ 1991-тӥ арын Свердловск карын . Отчы вань улосъёсысь 525 делегат люкаськиз. Съезд программной ивортонэз кутӥз, Центральной Комитетэ (ЦК) 85 адямиез бырйиз. ЦК-е пыризы В. Тюлькин, А. Сергеев, Михаил Попов, Виктор Анпилов, Юрий Терентьев, Альберт Макашов, Теймураз Авалиани, Ричард Косолапов, А. Золотов, Юрий Слободкин (Россиысь калык депутат) но мукетыз.
14-тӥ толсуре 1991-тӥ арын Коммунистъёслэн Россиысь партизы (РПК) кылдытӥськиз.
Оштолэзе 2001-тӥ арын РКРП но РПК одӥг партие огазеяськизы. Солэн нимыз луиз РКРП-РПК, Россиысь коммунистической рабочей партия — Коммунистъёслэн революционной партизы.
2007-тӥ арын куартолэзе Вылӥ суд, ёзчиослэн тырмыт луымтэенызы, партиез формально быдтон сярысь решение кутӥз.
2011—2012-тӥ аръёсын РКРП-РПК О. С. Шенинлэн КПСС-эзлэн пушпӧлаз Россиысь республиканской компартия чотын пыриз. Соин ик РКРП-РПК-лэн VIII-тӥ съездаз партия нимзэ воштӥз но луиз «Россиысь коммунистической рабочей партия КПСС-лэн пушпӧлаз».
Идеологиез
Партилэн идеологиез луэ «ортодоксальной» (революционной) марксизм-ленинизм. Мукет сямен верасая, партия социализмо пролетарской революциен гинэ юнматскыны быгатэ шуыса лыдъя. Партия меӵак нюръяське Россиысь но дуннеысь коммунистической движениысь пӧртэм реформизмен но оппортунизмен .
Кивалтӥсьёсыз
РКРП-КПСС-лэн кивалтӥсь ёзэсэз луэ Центральной Комитет. Со бырйиськылэ съездын. Центральной Комитет солэсь секретарьёссэ но Политсоветсэ бырйылэ.
Центральной Комитет
- Тюлькин Виктор Аркадьевич — РКРП-КПСС-лэн ЦК-езлэн Первой секретарез.
- Черепанов Александр Киприянович (вордӥськиз 1950-тӥ аре) — ЦК-лэн организационно-партийной ужанъя секретарез.
- Терентьев Юрий Григорьевич (вордӥськиз 1941-тӥ аре) — ЦК-лэн идеологияя секретарез.
- Соловьёв Олег Николаевич — ЦК-лэн рабочей движениен ужанъя секретарез.
- Туруло Валерий Николаевич — ЦК-лэн пумитаськонъёсын ужанъя секретарез.
- Батов Александр Сергеевич — ЦК-лэн егитъёсын ужанъя секретарез.