Пуныослэн калыккуспо нуналзы
| Пуныослэн калыккуспо нуналзы | |
|---|---|
| Пусъё | арлы быдэ |
Пуныослэн калыккуспо нуналзы ӟуч Междунаро́дный день соба́к — быдэс дуннеысь пуны вордӥсьёслэн но пуныосты яратӥсьёслэн праздниксы, пусйиське арлы быдэ 2-тӥ пӧсьтолэзе[1].
Та нунал официально юнматэмын ӧвӧл ке но, пуны вордӥсьёс та нунлэ шумпоттыны тыршо ас вордосъёссэс: ческыт сиёнъёсын, шудонъёсын но ыль амунициен, волонтёръёс приютъёсы пуны сиён но эмъюм келяло.
Историез
2012-тӥ арын Мер ӵектосъёсын калыккуспо фонд ООН-э Пуныослэсь нуналзэс 2-тӥ пӧсьтолэзе пусъён сярысь заявка сётӥз. Нуналлэсь официальной инлыксэ ӧз ке но юнматэ, та праздникез пусъён ужрадэз дуннеысь тросаз кунъёсын умоен лыдъязы [2].
Та нуналэ быдэс дуннеысь кинологической службаос пуны выжыосын адӟытонъёс радъяло. Пуны приютъёслы юрттон понна пӧртэм благотворительной акциос ортчытъяло. Волонтеръёс кузётэк кылем пуныос доры саламъёсын вуыло, соосты утялто.
Телеканалъёсын пуныос сярысь фильмъёс но прердачаос возьматъяло. Тужгес тодмо луэмъёссэ пуныосты тодэ вайыто.
Тунсыко зэмлыкъёс
A-Z-Animals компанилэн тодэтъёсызъя (чӧлске ВОЗ вылэ), 2022-тӥ арын дуннеын пуныосдлэн лыдзы 900 миллион пала вылэм. Соос пӧлысь 75—85 % калгись пуныос. 200 миллионэз куштэм пуныос[3].
2023-тӥ арын Пудо-животъёсты сюдонъя но утялтонъя центр но Ipsos исследовательской компания эскеронъёс ортчытӥзы, кудӥзъя гурт пуныослэн лыдзыя Россия ньылетӥ интые потэм (Россиын гурт пуныослэн лыдзы 25,5 млн)[4].
Куд-ог кунъёсын асьсэлэн пуныослы сӥзем йӧскалык нуналъёссы вань. США-ын Канадын но соослы матын луись кунъёсын пуныосты сӥлы карон нуналэз 26-тӥ гудырикошконэ пусъё. Та йӧскалык нунал кылдытэмын 2004-тӥ арын, Колин Пейдж, пудо-животъёслэсь улэмзэс эскерись экспертлэн кичӧлтэмезъя. Ӵапак та нуналэ атаез солы нырысетӥпуны кузьмам[5].
Непалын та нунал герӟаськемын вӧсьбуро ужрадъёсын, пусйиське Тихар «тыл фестивальлэн» витетӥ нуналаз. Непалын пуныосты вӧсьбуро пудоен лыдъяло. Отын улӥсьёс, пуныос кулон кылчинэн, Йамаен кусып возё шуыса оско. та нуналэ пуныосты сяска тугокоосын чеберъяло но ческыт сиёнъёсын ккуноято[6].
Япониын Пуныослэн нуналзы Хатикоез буре ваён нуналэн герӟаськемын, пусйиське 11-тӥ толшоре. Пёс породы Акита-ину выжыысь пуны, Япониын верностьлэн тодметпусэз луэ. Со пуны укмыс ар ӵоже нуналлы быдэ Сибуя станцие вуыса кулэм кузёзэ возьмам. Пунылэн таӵе сямыз япон калыклэсь сюлэмзэ врӟытэм, соин сэрен Хатиколы синпелет пуктӥллям[2][7].
Озьы ик учке
Валэктонъёс
- ↑ 2 июля – международный день собак. Российская кинологическая федерация.
- ↑ 1 2 2 июля - Международный день собак Центральная городская библиотека Северска.
- ↑ Volia Schubiger How Many Dogs Are In The World?(англи) A-Z-Animals.com.
- ↑ Численность домашних питомцев в России за три года выросла на 11% — опрос Регнум.
- ↑ Национальный день собаки в США Мeet-usa.com.
- ↑ Все лучшее - собакам: праздник в Непале, восхваляющий четвероногих друзей человека Культурология.
- ↑ В Японии отмечают сто лет со дня рождения пса Хатико РИА Новости.
|
Та материаллэн правообладателез АНО «РУВИКИ» Интернет-энциклопедия». Мукет сайтъёсын тае АНО «РУВИКИ» Интернет-энциклопедия» лэземъя гинэ кутыны луэ |