Пудо эмъясьлэн нуналыз
| Пудо эмъясьлэн нуналыз | |
|---|---|
| Типез | ӧнер праздник |
| Мукет сямен | Ветеринарлэн нуналыз |
| Юнматэмын | Гурт ужъёсъя министрен Н. Федоровен |
| Пусъё |
 Россия |
| Дырыз | 11.06.2014 |
| Пусъён ужрадъёс | арлы быдэ, 31-тӥ гудырикошконэ |
| Сям-йылолъёс | клиентъёслэсь но кун кивалтэтлэсь ӟечкыланъёс |
| Герӟаськемын | Россиысь Гурт ужъёсъя министерстволэн вазиськеменыз |
Пудо эмъясьлэн нуналыз ӟуч: День ветеринарного работника — Россиысь пудо эмъян удысын тыршисьёслэн ӧнер праздниксы, пусйиське арлы быдэ 31-тӥ гудырикошконэ, 2014-тӥ арысен.
Историез
Пудо эмъясьлэн нуналыз официальной кун праздник инлык басьтӥз Росси Федерацилэн Кивалтэтэзлэн 2014-тӥ арын 8-тӥ куартолэзе кутэм 774-р№ номеро распоряжениезъя[1]. Со распоряжения ик Гурт ужъёсъя министерство 2014-тӥ арын 11-тӥ инвожое ӧнер праздникез юнматон сярысь 188№ номеро Косэт гожтӥз:
Росси Федерацилэн Президентэзлэн 2013-тӥ арын 31-тӥ пӧсьтолэзе кутэм «Росси Федерациын праздникъёс но буре ваён нуналъёсты юнматон радлык сярысь» 659№ номеро Косэтэзлэн (Собрание законодательства Российской Федерации, 2013, № 31, ст. 4201) 2-тӥ пунктэзъя косӥсько: Юнматыны ӧнер праздникез — Пудо эмъясьлэсь нуналзэ но пусйыны 31-т9 гудырикошконэ[2].
Росси Федерациысь Гурт удысъя министр Н. В. Федоров
Солэсь азьпал Гурт удыс тодосъёсъя Росси академиысь академикъёслэн инициативной группазылэн кичӧлтэмезъя, но Россельхознадзор улсын кылдытэм Гурт пӧйшуръёслы эмъюм ватсэтъёслэн но сиёнъёслэн ӟечлыксыя но стандартизация Огъяросси кун центрлэн (ФГУ ВГНКИ) кивалтӥсезлэн академик Александр Панин кивалтэмъя, Святейший Патриарх Кирилл 2011-тӥ арын 23-тӥ южтолэзе гожтэм У-01/65№ номеро Косэтэныз бакель кариз Вӧсьлыко Флорез но Лаврез буре ваён нуналэз пудо эмъясьёслэн черк праздникенызы лыдъяны (18 (31) августа)[3].
Валэктонъёс
- ↑ Официальный интернет-портал правовой информации
- ↑ Приказ Министерства сельского хозяйства Российской Федерации (Минсельхоз России) от 11 июня 2014 г. № 188 г. Москва
- ↑ Указом Святейшего Патриарха Кирилла день памяти святых мучеников Флора и Лавра (18/31 августа) объявлен церковным праздником ветеринаров
Озьы ик учке
- Гурт удысын но сиён-юон поттонын ужасьёслэн нуналзы, ӟуч: День работников сельского хозяйства России(отмечается во второе воскресение октября)
- пудо вордон ӟуч: Животноводство
- Россиысь гурт удыс, ӟуч: Сельское хозяйство России
- Пудо эмъясьлэн калыккуспо нуналыз, ӟуч: Международный день ветеринарного врача