Посадник

Википедиысь материал
Эскерем гожтос
Та кыллэн мукет валатонъёсыз вань, учке Посадник (значения).
Посадник Щил архиепископ Иоаннлэсь черк пуктонлы благословени куре. «Повесть о посаднике Щиле»

Поса́дник (поса́женный кыл бордысь — «назначенный» шуэмез возьматэ) — шор дауръёсы Русьын должностной мурт, карен, улосэн кивалтон удысын князьлэн наместникез, яке граждан администрациысь быръем глава (феодальной кунъёсын)[1].

Нырысь-валысь Вашкала ӟуч кунлэн музъемъёсыныз кивалтон пона, посадникез бырйылӥз князь (X даурлэн пумаз), бӧрысь (XII дауре) ― вече. Посадник пыриськылӥз калык вечелы но чаклалляз князьлэсь тӧрлыксэ, экономика, кивалтон но катрадлык удысъёсын но куд-ог ужоскетъёс оскемын вал, кылсярысь: кивалтӥз посадской войскоен, мер радлыкез чакласа возиз но посадын улӥсьёс куспын потэм ченгешонъёсты сэрттыны-пертчыны юрттылӥз. Озьы ик дипломати тупанкылъёсты юнматылӥз, судопроизводствоен но выт октонэн вырылӥз[2].

Новгородын, Псковын но мукет куд-ог «вече» каръёсын посадниклэн интыужез, калленэн князь тӧрлыклэсь палэнскыса, муниципальной луиз. XII даур берегес князьлэн огмуртъёсыз интыосын наместник шуыса нимаськыны кутскизы[2].

Кылдэмез но валатонэз

Нырысьсэ «посадник» кыл пумиське «Повесть временных лет» книгаын 977-тӥ арын:

«В год 6485 (977). Пошёл Ярополк на брата своего Олега в Деревскую землю… Когда Владимир в Новгороде услышал, что Ярополк убил Олега, то испугался и бежал за море. А Ярополк посадил своих посадников[lower-alpha 1] в Новгороде и владел один Русскою землёю»[3].

Вазенгес, кылсярысь, Новгородын, тазьы нималлязы киевской наместникъёсты, кудъёссэ князь интые ыстылӥзы[2]. Таӵе посадникъёс пӧлы пырто Добрыняез (980) — Владимир Святославичлэсь дядяйзэ, Добрынялэсь пизэ Константинэз (1018)[4], Остромирез. Та вакытэ Новгородысь князьёсты но посадник шуыса нималлязы. Ярослав Мудройлэн атаезлы Киеве выт тырыны пумит луэмез летописьёсын солэн посадник луэменыз герӟаське :

«…и тако даяху вси посадници[lower-alpha 2] новгородьстии, а Ярослав сего не даяше к Кыеву, отцу своему»[5].

Берлогес «посадник» кыл Новгород кунын вылӥ быръем кун ужчиез возьматон понна кутӥськыны кутскиз (1136-тӥ арысен — Новгородын, 1308-тӥ арысен — Псковын)[6].

Со сяна, посадник шуыса нимаськылӥзы князьёс, кудъёссэ вазенгес (XIII даурозь) «пуктылӥзы» киул луись каръёсы бадӟым ӵыжы-выжыоссы (Киевысь быдӟым князьёс, Смоленскысь но мукет)[2].

Историез

Посаднике бырйылӥзы вечеын тодмо бояр выжыысь луэмъёсты. Новгородын Онцифор Лукиничлэн реформаезъя (1354) одӥг интые куать мурт кулытозязы кивалтыны юнматэмын вал («пересь посадникъёс»). Соос пӧлысь арлы быдэ бырйиськылӥз валтӥсез — «степенноез» — посадник. 1416-тӥ — 1417-тӥ аръёсысь реформая посадникъёслэн лыдзы куинёзь будэтэмын вал, нош степеннойзэ ӝыны арлы бырйылыны кутскизы. Озьы калленэн «посадник» но «пересь посадник» нимъёс кулытозязы нуллымон аспӧртэмлыко титуллы пӧрмизы[2].

«Степенной» кыл сярысь тодосчи но митрополит Киевский но Галицкий Евгений (Болховитинов) 1831-тӥ арын тазьы гожъяз:

«Посадники степенные[lower-alpha 3], так названные, вероятно, потому, что при избрании на вече возводили и сажали их на возвышенное место со степенями, с коего они и суд производили. Сие можно заключить из двух случаев, упоминаемых в Псковской летописи: „Псковичи, будучи недовольны своим князем… на вече спихнули его со степени и выгнали… Присланный в Псков от великого князя Московского дьяк… на вече объявив Указ Великокняжеский, сел на степени…“»[7]


Посадникез быръён сям Новгородын юнмаз Владимир Мономах кулэм бере, летопись тодэтъёсъя, 1125-тӥ арын Всеволодэз быръем бере ӟуч: «посадиша на столе Всеволода новгородци»[8]. Таин валче, ужоскетлэн аслыкез но кӧня ке воштӥськиз: сое табере сётылӥзы вечевой площадьын (азьвыл княжеской дворын вал), малы ке шуоно, табере посадник князь азьын Новгородлэн тунсыкчиез луэ (азьвыл князьлэн Новгород азьын тунсыкчиез лыдъяське вал)[2].

Новгород кунлэн Быдӟым Муско княжестволэн пушпӧлаз пыремез бере 1478-тӥ арын Новгородысь посадникъёсты быръён но вече палэнтэмын вал, нош вече гырлыос утялтэмын но Москвае келямын. Берлогес Псковын но сыӵе ик югдур луиз (1510). Псков кунын 1308-тӥ арысен 1510-тӥ арозь 78 посадник тодмо. 1348-тӥ арозь соосты бырйылӥзы Новгородысь, бӧрысьгес Псковлы автономия сётэмын вал[2][9].

Огъя вераса, «посадник» ужоскетлэн но кыллэн кылдэмез но XIII—XV дауръёсы азинскемез «вече» каръёсысь асэриклоко кун кивалтоннилэсь институционализацизэ но пӧртэм политической кужымъёсты огкадь возьыны турттэмез возьматӥз. Новгород но Псков кунъёсты Ӟуч кунлэн пушпӧлаз пыртэм бере, посадник ужоскет палэнтэмын вал[2].

Озьы ик учке

Литература

  • Дубровин Г. Е. Петрятин двор и проблема раннего посадничества в Новгороде // Древняя Русь. Вопросы медиевистики. — 2007. — Т. 1, № 27. — С. 45–59.
  • Янин В. Л. Княгиня Ольга и проблема становления Новгорода. — М., 2004.
  • Янин В. Л. Новгородская феодальная вотчина. Историко-генеалогическое исследование. — М., 1981.
  • Янин В. Л., Зализняк А. А. Новгородские грамоты на бересте (из раскопок 1984–1989 гг.). — М., 1993.
  • Янин В. Л. Новгородские посадники. — М., 1962.
  • Янин В. Л. Новгородские посадники. — 2-е изд., перераб. и доп. — М., 2003.
  • Янин В. Л. Развитие системы высших магистратов Новгорода // Янин В. Л. Новгородские акты XII—XV вв. Хронологический комментарий. — М., 1991.

Валэктонъёс

Комментарийёс

  1. ↑ Курсив наш. — РУВИКИ.
  2. ↑ Курсив наш. — РУВИКИ.
  3. ↑ Курсив наш. — РУВИКИ.

Чӧлсконъёс

  1. ↑ Посадник // Большой толковый словарь русского языка / гл. ред. С. А. Кузнецов. — СПб.: Норинт, 1998.
  2. ↑ 1 2 3 4 5 6 7 8 Посадник old.bigenc.ru.
  3. ↑ Повесть временных лет old-russian.chat.ru.
  4. ↑ Великий Новгород. История и культура IX–XVII веков. Энциклопедический словарь / под ред. В. Л. Янина. — СПб.: Нестор-История, 2007.
  5. ↑ В лето [6505 (997) — [6532] (1024). Лаврентьевская летопись] litopys.org.ua.
  6. ↑ Общественный и государственный строй Новгорода и Пскова (вече, господа, посадник, тысяцкий, князь, архиепископ) infopedia.su.
  7. ↑ Болховитинов Е. А. Исторія княжества псковскаго. Часть I. — Кіевъ: Въ Типографіи Кіево-Печорской Лавры, 1831. — С. 37.
  8. ↑ Фроянов И. Я. Матежный Новгород. Очерки истории государственности, социальной и политической борьбы конца ХІ — начала ХІІІ столетия. — СПб.: Издательство С.-Петербургского университета, 1992. — С. 189. — 280 с. — ISBN 5-288-00919-8.
  9. ↑ Посадник megabook.ru.
«https://udm.ruwiki.ru/w/index.php?title=Посадник&oldid=471899»-ысь басьтэмын