Пионерилэн нуналыз
| Пионерилэн нуналыз | |
|---|---|
 Пионер значок | |
| Пусъё | азьвыл СССР-лэн кунъёсаз |
| Пусъён ужрадъёс | пӧртэм сямен |
| Герӟаськемын | пионер движениен |
Пионерилэн нуналыз, ӟуч День пионерии (туала Россиын — Мерлыко кадет огазеяськонъёслэн нуналзы[2]) — нылпиослэн, егитъёслэн, вожатойёслэн но дышетӥсьёслэн праздниксы.
«Пионерилэсь нуналзэ» пусъё 19-тӥ куартолэзе — В. И. Ленин нимо всесоюзной пионерской организацилэн вордӥськем нуналаз. Сое радъясьёс ― пионер движениез азинтӥсь пионер но мукет нылпи огазеяськонъёсын ужасьёс. СССР-ын Пионерилэн нуналыз совето школьникъёслэн валтӥсь праздникенызы лыдъяське вал.
Историез
1922-тӥ арын 19-тӥ куартолэзе комсомоллэн 2-тӥ всероссийской конференцияз вань интыосын пионер отряд кылдытон сярысь решение кутэмын вал. Солы луыса, СССР-ын 19-тӥ куартолэзе пионерилэн вордӥськем нуналыз пусйиське.
Совето вакытэ Пионерилэн нуналыз азьын школаосын «Ленинской урокъёс» ортчытъяллязы, звеноос, отрядъёс, дружинаос куспын дышетсконъя, макулатура но металлолом бичанъя но мукет ӵошатсконъёслы йылпумъянъёс лэсьтылӥзы. Озьы ик со нуналэ сборъёс, концертъёс, парадъёс, митингъёс но пӧртэм пумо вожвылъяськонъёс ортчытъяллязы. Тужгес устооссэ пионеръёсты кузьымъёсын пусйылӥзы.
Ӝытпал куд-ог интыосын сямлы пӧрмем «пионер тылскем» дурын пукылӥзы. Туала Россиын шутэтскон центръёсын но клубъёсын Пионерилэн нуналызлы сӥзьыса, «пионер тематикаен» герӟаськем дискотекаос, акциос, флешмобъёс радъялляло.
1990-тӥ арын 1-тӥ коньывуонэ Всесоюзной пионерской организаци интые Пионер огазеяськонъёслэн Союззы — Нылпи огазеяськонъёслэн Федерацизы (СПО-ФДО) кылдытэмын вал. Со арын ик Всесоюзной пионерской организацилэн Шор кенешез Нылпи но пионер огазеяськонъёслэн шор кенешсы шуыса нимамын вал[3].
СССР бырем бере Пионерилэн нуналыз официальной праздник нуналын лыдъяськемысь дугдӥз. Сое воштӥз Нылпи мерлыко огазеяськонъёслэн нуналзы, со но 19-тӥ куартолэзе пусйиське[4].
Та выллем пионер тематикая ужрадъёс, Россиын сяна, азьвыл СССР-лэн кунъёсаз но орчтытӥсько.
2022-тӥ арын, Ленин нимо Всесоюзной пионерской организацилэн 100 ар тырмон нуналаз Горд площадьын КПРФ партия 5000-лэсь ятыр Мускоысь, муско улосысь но мукет улосвылъёсысь мылыкыд карисьёсты луисьтэм пионер огазеяськонэ пыртӥз[5]. Берпуметӥзэ сыӵе ужрад ортчиз 2024-тӥ арын
2022-тӥ арын Росси нылпи движенилэн (РДШ) инъет вылаз кылдытэмын вал «Движение первых» ― Россиысь нылпиослэн но егитъёслэн движенизы (РДДМ). Россилэн президентэз Владимир Путин выль огазеяськонэ пыриськемъёслы «пионер» кылэз кутыны ӵектӥз[6].
Валэктонъёс
- ↑ «Эхо Москвы»: Российские коммунисты приняли в пионеры школьников сразу из нескольких регионов страны
- ↑ Школьники по всей России отметили День детских общественных объединений
- ↑ 19 мая — День детских общественных организаций: история и традиции праздника, Известия (18 куартолэзе 2024). Дата обращения: 7 куартолэзе 2025.
- ↑ 19 мая – День детских общественных организаций Федеральное государственное бюджетное научное учреждение «Институт изучения детства, семьи и воспитания».
- ↑ КПРФ приняла в пионеры около пяти тысяч школьников, РИА Новости (22 куартолэзе 2022). Дата обращения: 7 куартолэзе 2025.
- ↑ Романов, Д.. «Движение первых». Как изменился День пионерии, Газета.Ru (2023). Дата обращения: 7 куартолэзе 2025.
Чӧлсконъёс
| Кивалтэт |  | |
|---|---|---|
| Кылдытӥсь | ||
| Дэменлык |
| |
| Ёзрадэз | ||
| Атрибутикаез | ||
| СМИ | ||
| Мукет | ||
