Нылпи книга карта
| Нылпи книжной карта | |
|---|---|
 | |
| Кутскемын | 2026-тӥ арын |
| Интыез |
 Россия |
| Кулэлыкез | школа азьын нылпиосты дышетон кун программа |
| Проектэ пыриськемъёс | 3—6 аресъем нылпиос |
Нылпи книга карта (ӟуч: Детская книжная карта) — нылпиосты школа азьын дышетонъя кун программа, сое дэмлаз Россилэн азьмуртэз Владимир Путин 2025-тӥ арын 5-тӥ пӧсьтолэзе Ӟуч кылэз но Россиысь мукет калыкъёслэсь кылъёссэс азинтонтон кун политикаез быдэстонъя кенешлэн заседанияз[1]. Ужаны кутскоз 2026-тӥ арысен[2]. 3 сюрс манет тыр карта чакламын 3—6 аресъем нылпиослы[3]. Экспертъёслэн огазеяськонэнызы юнматэмъя, со карта ӧжытсэ 10 книга басьтон понна чакламын[4].
Историез
2025-тӥ арын 5-тӥ пӧсьтолэзе Ӟуч кылэз но Россиысь мукет калыкъёслэсь кылъёссэс азинтонтон кун политикаез быдэстонъя кенешлэн заседанияз Россилэн азьмуртэз Владимир Путинэн «Пушкинской карта» выллем «Нылпи книжной карта» кылдытыны дэмлаз[1]. Азьмуртлэн кылъёсызъя, со куинь сюрс манет тыр луыны кулэ, чакламын куинь аресысен сизьым аресозь пиналъёслы — гожъяськисьёсын, психологъёсын но школа азьын нылпиосын ужась ӧнерчиосын дэмлам книгаос басьтон понна[3]. Со дыре ик В. Путин пусйиз, изданиослэн дунъёссы шоро-куспо луыны кулэ, одӥг картаен ӧжытсэ дас книга басьтымон[1].
Кылъёсты азинтонъя кенешын Владимир Путин озьы ик пусйиз:
Книга — со дышетон процесслэн но семья йылолъёслэн висъянтэм люкетэз. Соин ик классической литературалэн дуннеяз сюрес усьтӥсь вылӥ нравственной дунлыкъёсын нылпи книгаосты котькудӥз басьтыны мед быгатоз.
Уже кутон
«Нылпи книжной картаез» 2026-тӥ арысен поттыны чакламын[2]. Азьмуртлэн юрттӥсез Елена Ямпольская пусйиз, та программа улосъёсысь издательствоосты азинтон понна бадӟым инъет луоз[1]. Озьы ик со картаез «Золотой ключик» шуыса ниманы дэмлаз[1]:
Нош нимыз сярысь ке верано, дэмласько: «Золотой ключик». Зарни усьтон, кудӥныз пинал бадӟым литература дуннее ӧсэз усьтыны быгатоз.
Кинлы чакламын
Программа 3-6 аресъем ог 7-8 миллион нылпиос доры вуттыны чакламын[5].
Валэктонъёс
- ↑ 1 2 3 4 5 Заседание Совета по реализации госполитики в сфере поддержки русского языка и языков народов России, Президент России (05.06.2025). Эскеремын: 14 пӧсьтолэзе 2025 арын.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Эскеремын: 14 пӧсьтолэзе 2025 арын.
- ↑ 1 2 Путин предложил запустить программу "Детская книжная карта" - Российская газета, Российская газета (5 инвожое 2025). Эскеремын: 14 пӧсьтолэзе 2025 арын.
- ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Эскеремын: 14 пӧсьтолэзе 2025 арын.
- ↑ Дети в России