Мувис
 |
 |
 |
 |
Мувис ӟуч: Проли́вы — вуо интывылъёс, интыяськемын кык мувыръёс вискын, огазея артысь ву бассейнэз яке солэсь люкетъёссэ[1][2].
Мувислэн кузьдалаез пасьталаезлэсь ӵемысь трослы кузьгес луэ. Дуннеысь тужгес кузез мувис — Мозамбикской, тужгес паськытэз — Дрейк нимо мувис[3].
Мувис зарезь сюресъёслэн экономика но ожгар удысъёсаз валтӥсь герӟетэз лыдъяське. Нимысьтыз висъясько калыккуспо мувисъёс[2].
Мувисъёслэн аслыкъёссы
Мувислэн валтӥсь тодметэз — солэн кузьдалаез, мурдалаез, пасьталаез, кудлань ӧръяськемез но ӝоглыкез. Судоходной мувисъёс понна нимысьтыз лоциос лэсьтыло[1].
Куд-ог мувисъёсты (Юкатанской, Флоридской, Наветренной, Корейской, Тайваньской, Бассов нимо но мукет) быдӟалазыя пичи зарезьёсын ӵошатыны луэ[2]. Дунне вылысь тужгес кузез мувис — Мозамбикской. Солэн кузьдалаез 1 760 иськем[1]. Тужгес паськыт но мур лыдъяське Дрейк нимо мувис (пасьталаез 950 иськем, мурдалаез — 5 840 м)[1].
Кулэлыкез
Мувисъёс, зарезьёс, бухтаос но мукет ву бассейнъёс сямен ик Дунне океанын нимысьтыз функциез быдэсъяло. Вулэн мынон-ветлоназ соос валтӥсь инты басьто — зарезь вуосты огазеяськыны юртто но питательной ватсэтъёсты кык ву бассейнъёс куспын люкыло. Мукет сямен вераса, мувисъёс шӧдскымон инты басьто улосъёслэн инкуазь радлыказы но биопӧртэмлыкъёсазы[4].
Мувис — со, нырысь ик, зарезез эскерон инты, со зарезь фаунаез но зарезьёсын но океанъёсын ортчись геологической процессъёсты эскерыны луонлык сётэ . Ӵемысь мувисъёсын эскеронъёс океанографической судноос ортчытъяло[5].
Мувисъёс дунне вузкаронын но пӧртэм кунъёсын кусыпъяськонын бадӟым инты басьто. Зарезь транспорт — туала транспорт сӧзнэтын валтӥсь люкетэз луэ. Арлы быдэ дуннеын 100 миллиард тонналэсь трос пӧртэм грузъёс нулло, со пӧлысь 4/5-эз зарезь пыр нуиське. Тужгес кулэ калыккуспо мувисъёс кузя зарезь перевозкаос огъя распределение улэ шедё — ву сюреслэн бадӟым люкетэз Атлантикаетӥ ортче, кыкетӥ интыын сылэ Чус океан[4]. Озьы, Уйпал зарезь сюрес Арктикаысь куд-ог валтӥсь мувисъёс пыр ортче: Карские Ворота (Вайгач но Новая Земля шормуӵъёс вискын), Югорский Шар (Вайгач шормуӵен Югорской мукож) вискын, Вилькицкий нимо мувис (огазея Карской зарезез Лаптев зарезен) но мукет[6]
Улосвыл кусыпъёсын но мувисъёс бадӟым инты басьто. Пӧртэм улосъёслэн военной суднооссы мувисъёс пыр эркын ортчыны быгато, озьы ик вуул пыжъёслы ортчыны луонлык кылдыто. Соин валче, дуннеысь тросэзлы кунъёслы кышкыттэмлыкъя валтӥсь фактор луо[7].
Мувисъёслэн классификацизы
Дунне океанысь вань мувисъёсты висъяны луэ: Океан бассейнын интыяськемзыя, музъем типсыя, кудӥныз герӟаське та ву бассейн, экономика ласянь кулэлыкезъя, калыккуспо инлыкезъя[8].
Мувисъёс океан бассейнын
- Одӥг океанлэн бассейназ интыяськем мувисъёс (кылсярысь, Дарданелл нимо, Цугару).
- Кык океан бассейнъёсты огазеясь мувисъёс (Беринг нимо, Дрейк нимо, Торрес нимо)[9][8].
Мувисъёс континентъёсъя
- Одӥг континентэз кыклы люкись мувисъёс (Скагеррак, Ормузской).
- Континент бордысь шормуӵез висъясь мувис (Па-де-Кале, Цусима (Корейской), Магеллан нимо).
- Кык шормуӵъёсты висъясь мувисъёс (Бонифачо, Сунда).
- Кык пӧртэм континентъёсты висъясь мувисъёс (Гибралтар, Беринг нимо, Баб-эль-Мандебской)[9][8].
Мувисъёс калыккуспо инлыкъя
- Калыккуспо судоходствоын кутӥськись мувисъёс, огазеяло зарезь люкетъёсты яке экономикая нимазъям зонаез. Таӵе мувисъёсын вань кунъёслэн суднооссы но лобась аппаратъёссы транзитной проходъя эрикрад вылэ пыкисько (Сингапур мувис, Баб-эль-Мандебской но мукет).
- Калыккуспо судоходствоын кутӥськись мувисъёс, зарезь лоюкетъёсты яке экономика ласянь нимазъям зонаосты но кунъёслэсь трритриальной зарезьзэс огазеясь мувисъёс (Хуан-де-Фука мувис, Канада но США). Таӵе мувисъёсын кунсьӧр судноос транзитной проходъя эрикрад вылэ пыкисько.
- Калыккуспо судоходствоын кутӥськись мувисъёс, та мувисъёстӥ ортчон калыккуспо конвенциосын чаклаське (Босфор, Турция, мувисъёслэн инлыксы сярысь Монтрё Конвенци)[10][11].
Калыккуспо мувисъёслэн эрикрадо режимзы
1982-тӥ арын ООН-лэн III Конференциезлэн пумкылъёсызъя кутэм ООН-лэн зарезь эрикрадъя калыккуспо Конвенциез территориальной зарезь но со борды юнматэм зонаосъя Конвенциез воштӥз. Ужкагаз кужымлыко луиз 1994-тӥ арын. 2020-тӥ арын 160 -лэсь ятыр кунъёсын ратифицировать каремын вал[10][11].
Калыккуспо судоходствоын зарезьлэн оглюкетаз яке экономикая нимазъям зонаын (исключительная экономическая зона ― ИЭЗ) но зарезьлэн мукет люкетаз яке ИЭЗ-ын кутӥськись мувисъёсын вань судноос оглом транзитной проходъя эрикрад вылэ пыкисько. Мукет учыръёсы, калыккуспо судоходствоын кутӥськись мувисъёсын, мирной проходъя эрикрад кутӥське[10].
Калыккуспо луисьтэм мувисъёслэн эрикрадо режимзы ярдураз интыяськем кунлэн катъёсыз вылэ пыкиське[10].
Куд-ог калыккуспо мувисъёс пыр потон вашкала дыръёсысен юнматэм тупанкылъёсын чаклаське. Кылсярысь, Датской мувисъёс («Зунд нимо мувисъёс пыр судноослы потон понна вузвытъёсты палэнтон сярысь» Трактат кутэмын 1857-тӥ арын), турок мувисъёс ("Босфор но Дарданелла мувисъёслэн режимзы сярысь 1936-тӥ арын кутэм Монтрё Конвенци), Магеллан нимо мувис («Договор о границе между Аргентинаез но Китаез висъясь кунгож сярысь 1881-тӥ арын кутэм тупанкыл»), Тиранской мувис (« Египет но Израиль куспын 1979-тӥ арын юнматэм тупанкыл») но мукет[12]
Литература
- Малеев Ю. Н., Сокиркин В. А. Арктические проливы как вид международных проливов // Московский журнал международного права. — 2000. — № 4(40). — С. 86.
- Конвенция Организации Объединенных Наций по морскому праву //Часть III: Проливы, используемые для международного судоходства. — С. 43—50.
- Андросов А. А., Вольцингер Н. Е. Проливы Мирового океана: общий подход к моделированию. — СПб.: Наука, 2000. — 186 с. — ISBN 502025035X.
Валэктонъёс
- ↑ 1 2 3 4 Пролив // Большая советская энциклопедия в 30 т. / под ред. А. М. Прохоров. — 3-е изд. — М.: Советская энциклопедия, 1969. — Т. 21. — С. 210.
- ↑ 1 2 3 Самойлов К. И. Морской словарь в 2 томах. — М-Л: Государственное военно-морское издательство НКВМФ СССР, 1941. — Т. 2. — С. 700—701. — 1047 с.
- ↑ Что в географии называют проливом? Определение, примеры и типы Природа мира.
- ↑ 1 2 Панов Б. Н. География водных путей // Конспект лекций для курсантов специальности "Судовождение" Керченский государственный морской технологический университет. — Керчь, 2021. — С. 20—23.
- ↑ Хасая Н. М. Международные проливы: регулирование, география, конфликты // Скиф : журнал. — 2021. — № 8 (60). — С. 85—88.
- ↑ Значение Северного морского пути для развития Арктической зоны России Совет Федерации.
- ↑ Васильева Н. В. Черноморские проливы – императив российской/советской внешней политики в Восточном Средиземноморье: мифы и геополитические реалии // Славяне и Россия : журнал. — 2017. — № 1. — С. 408—419.
- ↑ 1 2 3 Пролив это географический объект ТОПоГИС (Топография. Картография. Геоинформационные системы.
- ↑ 1 2 Горкин А. П. География: Современная иллюстрированная энциклопедия. — М.: РОСМЭН, 2006. — 624 с. — ISBN 5353024435.
- ↑ 1 2 3 4 Конвенция Организации Объединенных Наций по морскому праву //Часть III: Проливы, используемые для международного судоходства Организация Объединённых Наций.
- ↑ 1 2 Владимир Васильев Международные проливы Морские вести России.
- ↑ Анянова Е. С. Режим охраны мореплавания для проливов, используемых для международного судоходства // Вопросы российского и международного права : журнал. — 2016. — № 3. — С. 117—125.
Чӧлсконъёс
 | |
|---|---|
| Библиографической каталогъёсын |
|
Та гожтос вылэ Рувики проектысь мукет гожтосъёс уг чӧлско. |
.svg){kind=link}