Марий Эл Элькунлэн нуналыз

Википедиысь материал
Марий Эл Элькунлэн нуналыз
День республики РМЭ.jpg
Типез Марий Эл Элькунлэн йӧскалык нуналыз
Официально Марий Эл Элькунлэн нуналыз
Дырыз 4-тӥ шуркынмонэ

Марий Эл Элькунлэн нуналыз День Респу́блики Ма́рий Эл — Марий Эл Элькунысь кун праздник. Пусйиське арлы быдэ 4-тӥ шуркынмонэ.

Историез

1920-тӥ арын толалтэ Кузон карын, ЦИК-лэн кичӧлтэмезъя, Наркомнацысь Центральной пор ёзэтэзлэн пор активистъёслэн Огъяросси кенешсы ортчиз. Ужрадэ люкаськемъёс, административной ёзэсъёсы висъян понна, поръёслэсь улон интыоссэс пусйизы. Со вакытлы Татарско-Башкирской Совето Элькун но Башкир АССР кылдэмын ни вал. Мукет калыкъёс но йӧскалык движениосы огазеяськыса асьсэ автономиоссы сярысь малпаськыны кутскизы[1][2].

1920-тӥ арын гужем пор активистъёс пор коммунистъёслэн Огъяросси конференциязы люкаськылӥзы. Отын, В.А. Мухинлэн докладэз вылэ пыкиськыса, вуоно вамышъёссэс чаклазы. Ужрадлэн йылпумъянъёсызъя, Наркомнацысь Центральной пор ёзэтлэн кивалтӥсез С.А. Черняков ужкагазъёслэсь ӵектосъёссэ Совнаркоме сётӥз[1][2].

1920-тӥ арын 4-тӥ шуркынмонэ Калык Комиссаръёслэн Советсы но ВЦИК «Пор калыклэсь автономной областьсэ кылдытон сярысь» декрет кутӥзы. Со ужкагазын интывылыз, вадесгожъёсыз, административной центрез но кивалтӥсь ёзъёс пусъемын ӧй вал. Соин ик 25-тӥ шуркынмонэ ватсаса декрет поттэмын вал, кудаз интывыл но административной ужпумъёс рос-прос сэрттэмын-пертчемын вал. Ужкагазъя автономной улосвыллэн пушпӧлаз пыризы Азьвыл Кузон губерние пырись Краснококшайск но Козьмодемьянск уездъёс, Ватка губерниысь Уржум но Яранск уездъёс, озьы ик Нижегородской губерниысь Васильсурской уезд. Шоркарлы Краснококшайск быръемын вал[1][2].

Мари автономи улослэн кылдэмез сярысь революционной комитет 1921-тӥ арын 1-тӥ южтолэзе ялӥз, соин ик 1921-тӥ арысен 1930-тӥ арозь праздникез тулыслэн нырысетӥ нуналаз пусйылӥзы[3][1].

1921-тӥ арын 21-тӥ-24-тӥ инвожое улос Советъёслэн нырысетӥ съездзы ортчиз. Отын улос исполкомлэсь ёзчиоссэ ― улос кивалтэтлэсь ёзэтсэ бырйизы. Солэн нырысетӥ тӧроез луиз мерлыко но политика удысын ужась И.П. Петров[2].

1929-тӥ арын 15-тӥ пӧсьтолэзе Мари улос выль кылдэм Нижний Новгород (Горький) улосвыллэн пушпӧлаз пыртэмын вал. 1936-тӥ арын 5-тӥ толсуре со территориальной единица быдтэмын вал, нош солэн пушпӧлысьтыз Мари автономи улос Мари автономной советской социалистической республика шуыса нимаськыны кутскиз[1][4].

1931-тӥ арысен 1959-тӥ арозь Мари автономи улослэсь кылдэм нуналзэ 21-тӥ инвожое пусйылӥзы — ӵапак та нуналэ 1921-тӥ арын Советъёслэн нырысетӥ областной съездзы усьтӥськиз, Ревком аслэсьтыз ужоскетъёссэ облисполком вылэ выжтӥз[3].

1960-тӥ арысен элькунлэн официальной праздник нуналыз 4-тӥ шуркынмонэ юнматэмын — Владимир Ленинлэн но Михаил Калининлэн «Пор калыклэсь автономи улоссэ кылдытон сярысь» декрет гожтэмзы бере[5][3].

1990-тӥ арын 22-тӥ коньывуонысен, Элькунлэн кун суверенитетэз сярысь декларация, пор элькун Мари ССР шуыса нимаськыны кутскиз, туала нимзэ — Марий Эл Элькун — 1992-тӥ арын 9-тӥ толсуре басьтӥз[4].

Туалаез

Марий Эл Элькунлэсь нуналзэ пусъё 4-тӥ шуркынмонэ. Та нуналэ пӧртэм ужрадъёс ортчыло — концертъёс, адӟытонъёс, тематической пумиськонъёс. Сяме пыӵамын дано адямиосты данъян грамотаосын пусъён. Праздник азьын шаерысьтымы дышетон учреждениосын пичи шаерлэсь историзэ тодонъя вожвылъяськонъёс но викторинаос ортчытъяло[5][6][7][8].

Ӵемысь та праздник азьын выль яке выльдэм объектъёсты усьтыло. Озьы 2006-тӥ арын, Элькунлэн нуналэзлы сӥзьыса, официально усьтӥськиз Марий Эллэн выльдэм кивалтэт юртэз, 2009-тӥ арын — архитектурно-исторической комплекслэн интывылаз Царевококшай Кремль, 2011-тӥ арын — Патриархальной площадьын «12 Апостол» нимо выль часъёс, 2015-тӥ арын — Пинал дырлэн музеез, нош 2016-тӥ арын — Православилэн историезъя кылдытэм музей[9].

Валэктонъёс

  1. ↑ 1 2 3 4 5 Елена Яшметова. День Республики Марий Эл: страницы истории Марийского края, Информационный портал SM.news (3 шуркынмонэ 2022). Эскеремын: 25 коньывуонэ 2024 арын.
  2. ↑ 1 2 3 4 Республика Марий Эл. Марийской автономии - 82 года, Регнум (01.11.2002). Эскеремын: 25 коньывуонэ 2024 арын.
  3. ↑ 1 2 3 В. Г. Востриков 100 лет Марий Эл. Три даты в календаре – три вехи в становлении Марийской автономии [ӟуч] Национальная библиотека имени С.Г. Чавайна Республики Марий Эл.
  4. ↑ 1 2 Дата образования Республики Марий Эл [ӟуч] ВДПО.
  5. ↑ 1 2 День государственности Республики Марий Эл, Кидшер (30 коньывуонэ 2023). Эскеремын: 25 коньывуонэ 2024 арын.
  6. ↑ День образования Республики Марий Эл 2024 Марий Эл и Йошкар-Ола.
  7. ↑ Т. Ю. Смирнова "Знаешь ли ты свой край?" Межпоселенческая центральная библиотека Советского района Республики Марий Эл.
  8. ↑ Лилиана Гарифуллина. День Республики Марий Эл 2022, что будет на День народного единства в Йошкар-Оле со 2 по 5 ноября, куда сходить, самая полная программа мероприятий на каждый день, концерты, выставки, конкурсы, музеи, kazan.kp.ru (3 шуркынмонэ 2022). Эскеремын: 25 коньывуонэ 2024 арын.
  9. ↑ 4 ноября – как это было 2006, 2007... 2020 годы, МариМедиа (04.11.2020). Эскеремын: 25 коньывуонэ 2024 арын.

Литература

  • Востриков, В. Г. Марий Эл: хроника столетия: 1920—2020 / В. Г. Востриков, А. М. Клёнов. — Йошкар-Ола: Издательский дом «Марийское книжное издательство», 2020. — 100 с.
  • Калинина, О. А. Марийские праздники = Марий пайрем-влак: справочник /О. А. Калинина. — Йошкар-Ола, 2006. — 52 с.
  • Марийцы: коллективная монография / О. А. Калинина, М. Н. Мамаева, Т. Л. Молотова и др.; М-во культуры, печати и по делам национальностей Респ. Марий Эл; МарНИИЯЛИ им. В. М. Васильева. — Йошкар-Ола, 2008. — 213 с.
  • От автономии к суверенитету. — Йошкар-Ола: Марийское книжное издательство, 1991. — 64 с.
  • Сануков, К. Н. Марийская автономия: к 90-летию образования Марийской автономной области / К. Н. Сануков. — Изд-е 2-е, доп. — Йошкар-Ола: Марийское книжное издательство, 2010. — 176 с.
  • Свечников, С. Марийская автономия: мифы и факты / Сергей Свечников // Марийский мир = Марий сандалык. — 2020. — № 4 (47). — С. 2-10.
  • Хлебников, А. В. Образование и развитие советской автономии марийского народа (1917—1929) / А. В. Хлебников. — Йошкар-Ола: Марийское книжное издательство, 1970. — 272 с.
  • Энциклопедия Республики Марий Эл / МарНИИЯЛИ им. В. М. Васильева. — Йошкар-Ола, 2009. — 872 с.
  • Янтемир, М. Н. Марийская автономная область: (с приложением административной карты области) / М. Н. Янтемир. — Йошкар-Ола, 2005. — 188 c.

Чӧлсконъёс

«https://udm.ruwiki.ru/w/index.php?title=Марий_Эл_Элькунлэн_нуналыз&oldid=489334»-ысь басьтэмын