Кынтэмйӧллэн дунневыл нуналыз
| Кынтэмйӧллэн дунневыл нуналыз | |
|---|---|
| Файл:Всемирный день мороженого.jpg | |
| Тип | Ӧнерлыко |
| Официально | World Ice Cream Day |
| Юнматэмын | 1979 |
| Пусъё | арлы быдэ |
| Дырыз | 10-тӥ инвожое |
| Герӟаськемын | кынтэмйӧл |
Кынтэмйӧллэн дунневыл нуналыз ӟуч Всеми́рный день моро́женого (англ. World Ice Cream Day) — арлы быдэ 10-тӥ инвожое пусйиськись калыккуспо праздник. Официально юнматэмын ӧвӧл. Та праздникез пусъёнлэн валтӥсь мугез ― кынтэмйӧлэз калык пӧлын вӧлмытон, выль амалъёсын тодматон но сое сиён культураез ӝутон.
Праздник сярысь
Историез
Кынтэмйӧллэсь нуналзэ пусъёнлэн кичӧлтӥсез Берлингтонысь, штат Вермонт Ben & Jerry’s американ компания[1]. 1978-тӥ арын Бен Коэн но Джерри Гринфилд эшъёс, кынтэмйӧл лэсьтыны дышетсконзэс йылпумъяса, асьсэлэсь кынтэмйӧлын сюдӥсь кафезэс усьтӥзы. Нырысь-валысь соос уксё люкаса, грузовик басьтыны но дуннеез котыръяны малпало вал[2]. Озьы ке но, кафеын ужъёссы азинлыко луэмен сэрен, бизнессэс азинтыны малпазы. 1979-тӥ арын 10- инвожое Бен но Джерри кафезэс усьтэм дырысен ар тырмемзэ пусйизы. Та нуналэ соос вань мылкыд карисьёсты дунтэк кынтэмйӧлын куно каризы. Эшъёслэн та малпанзы туж азинлыко луиз но кынтэмйӧллэсь праздниксэ пусъён быдэс кунын туж ӝог вӧлмиз, собере ― быдэс дуннеын[3].
Та праздниклэн кылдэмез сярысь вань на мукетыз малпан. 1786-тӥ арын 10-тӥ инвожое США-ын кынтэмйӧлэз тросэн поттыны но вузаны кутскизы. Озьы ке но, тазэ веранэз юнматӥсь ужгагазъёс ӧвӧл.
Сям-йылолъёс
Кынтэмйӧллэн нуналыз быдэс дуннеын пусйиське ке но, официально юнматэмын ӧвӧл. Та нуналэ котькытын сямен ортчыло пӧртэм фестивальёс, дегустациос но кынтэмйӧлэз сиёнъя ӵошатсконъёс. Тросаз каръёсын, шутэтскон паркъёсын но площадьёсын калык юмшанъёс радъяськыло. Озьы ик та нуналэ кынтэмйӧл лэсьтонъя пӧртэм мастер-классъёс но эксклюзивной шоуос ортчыло. Куд-ог вузаськонниос юри та нуналлы дунъёссэс пичиято но пӧртэм акциосы пыриськыны дэмлало.
.jpg)
Историысь зэмлыкъёс
- 1813-тӥ арысен США-ысь азьмуртлэн инаугурациез дыръя ӝӧк вылын одно ик кынтэмйӧл лулыны кулэ.
- Эскимолы возет ― шальы малпам 11 аресъем Фрэнк Эпперсон 1905-тӥ арын.
- 1939-тӥ арын Москваысь ВДНХ-ын А. Н. Бельский архитекторлэн ӵектосэзъя кынтэмйӧллы сӥзем павильон усьтэмын вал.
- США-ын пӧсьтолэзь — кынтэмйӧллы сӥзем йӧскалык толэзен лыдъяське, нош куинетӥ арня нуналэз — кынтэмйӧллэн йӧскалык нуналыз (англ. National Ice Cream Month). Та нуалэз юнматӥз президент Рональд Рейган 1984-тӥ арын[4].
- Мерида карысь (Венесуэла) Heladería Coromoto кафеын кынтэмйӧллэсь 860 пӧртэм кынтэмйӧл веръяны дэмлало. 1996-тӥ арын со рекордъёсын Гиннесслэн Книгаяз пыртэмын вал[5].
Озьы ик учке
Валэктонъёс
- ↑ 10 июня – Всемирный день мороженого Подробнее: https://kamchatkamedia.ru/news/1302228/ KamchatkaMedia.
- ↑ 10 июня — Всемирный день мороженого: все о празднике и о любимом лакомстве «Академия КриоФрост».
- ↑ Всемирный день мороженого 10 июня: традиции и история праздника Интернет-издание «Апостроф».
- ↑ Are You Ready For International Ice Cream Day?(англи) Unilever Food Solutions.
- ↑ Ульяна Светачева Всемирный день мороженого в 2024 году: история и традиции праздника Комсомольская правда.
|
Та материаллэн правообладателез АНО «РУВИКИ» Интернет-энциклопедия». Мукет сайтъёсын тае АНО «РУВИКИ» Интернет-энциклопедия» лэземъя гинэ кутыны луэ |