Курайлэн нуналыз
| Курайлэн нуналыз | |
|---|---|
 Кураен шудӥсь Айбулат Рахматуллин | |
| Валатонэз | крезьгуро инструментэз вӧлмытон |
| Пусъё | 10-тӥ коньывуонэ |
| Пусъён ужрадъёс | концертъёс, ӵошатсконъёс, мастер-классъёс |
| Герӟаськемын | Башкортостан Элькунысь кураен шудӥсьёслэн кун ансамбльзылэн нырысетӥ концертэныз |
Курайлэн нуналыз — Башкортотанлэн пусъёсыз пӧлысь одӥгезлы — курайлы сӥзем нунал. Выль праздник нуналэз кылдытон сярысь Косэтэз гожтӥз кунлэн тӧроез Радий Хабиров но ялэмын Кураен шудӥсьёслэн кун ансамбльзылэн концерт-презентацияз 10-тӥ коньывуонэ 2024-тӥ арын[1]. Праздниклэн валтӥсь ужпумез — вашкала башкир йӧскалык крезьгуро инструментэз утён но вӧлмытон[2].
Историез
Курай — башкиръёслэн улон-вылонэнызы, сям-йылолъёсынызы но лулчеберетэнызы юн герӟаськем крезьгуро инструмен. 2021-тӥ арын Башкортостанлэн инты пусэз шуыса пусъемын[3][4]. 2024-тӥ арын оштолэзе Башкортостан Элькунлэн Тӧроезлэн Р. Ф. Хабировлэн Косэтэзъя кылдытэмын вал Кураен шудӥсьёслэн кун ансамбльзы. Чеберлыкъя кивалтӥсез –Россиысь сӥё-дано артист, Башкортостанысь Калык артист Азат Айткулов. Ансамбльлэн нырысетӥ концертэз «Башкортостан» нимо Кун концерт залын 10-тӥ коньывуонэ ортчиз[5].
Кураистъёслэн ансамбльзылэн концерт-презентациез мынон вискын Радий Хабиров 10-тӥ коньывуонэ выль праздник— Курайлэн нуналыз пусйиськоз шуыса ялӥз. Концертэ люкаськемъёс та ялонэз пӧсь кичабонъёсын пумитазы.[1][6]
Курайлэн нуналыз луонлык сётэ та вашкала крезьгуро инструментэз утьыны но соин шудон быгатонлыкъёсты азинтыны, озьы ик егит калыкез калык устолык пала кыскыны. Та нуналэ элькунын концертъёс, адӟытонъёс но мастер-классъёс ортчыло.
Валэктонъёс
- ↑ 1 2 Глава Башкирии учредил новый праздник - День курая Башинформ (10 октября 2024).
- ↑ Указ Главы Республики Башкортостан от 10 октября 2024 года №УГ-1053 «О Дне курая в Республике Башкортостан» Официальный Интернет-портал правовой информации Республики Башкортостан (10 октября 2024). Эскеремын 10 октября 2024 аре
- ↑ Субъекты Российской Федерации, для региональных товаров которых зарегистрированы географические указания (ГУ) и наименования мест происхождения товаров (НМПТ) Архивная копия от 25 оштолэзе 2021 на Wayback Machine // Роспатент
- ↑ Курай зарегистрировали в качестве территориального бренда Башкортостана. «Башинформ» мәғлүмәт агентлығы, 2018, 1 март [ӟуч] [Дата обращения: 2 южтолэзе 2018]
- ↑ Государственный ансамбль кураистов Республики Башкортостан Башкирская государственная филармония имени Хусаина Ахметова.
- ↑ В Башкирии учредят новый праздник УфаLIVE.