И. Е. Оглоблин купечлэн юртэз
| Юрт | |
| И. Е. Оглоблин купечлэн юртэз | |
|---|---|
 | |
| 56°50′29″ с. ш. 53°12′33″ в. д.GЯO | |
| Кун | |
| Кар | Ижкар, Удмуртия, Красноармейской ульча, 129-тӥ юрт |
| Юртлэн типез | улыно-вылыно из юрт |
| Кылдытэмын | 1912 |
| Юртэз пуктэмын | 1912 |
| Инлыкез |
 ОКН № 1830062000 |
| Югдурез | ӟечлыко |
 |
|
 Медиафайлъёс РувикиМедиа пушкын | |
 | Россилэн лулчеберето кылёс лэсьтосъёсыз улос инлыкен рег. № 181710791930005 (ЕГРОКН) лэсьтос № 1830062000 (БД Викигида) |
И. Е. Оглоблин купечлэн юртэз (ӟуч: Дом купца И. Е. Оглоблина) — Ижкарысь XX даурлэн кутсконаз ӝутэм улыно-вылыно из юрт. Интыяськемын таӵе адресъя: Красноармейской ульча, 129-тӥ юрт. Улос инлыкен архитектурая синпелет. Али дыре та юртын ресторан ужа.
Историез
1912-тӥ арын ӝутэмын[1]. Ӟуч стилья пуктэм юрт туннэ нуналозь воштӥськемын ӧвӧл[2].
XX даурлэн кутсконаз пуктэм юртлэн нырысетӥ этажаз сиён-юонъя магазин интыяськылӥз, кыкетӥяз — Оглоблин купечлэн семьяез улӥз. Кузёез Пермь но Ватка губернияысь дас ньыль каръёсын лавкаосты но магазинъёсты возиз, бакалеяен вузкарылӥз. Оглоблинъёслэн ӵыжы-выжызы вуж сямен вӧсяськисьёс радэ пырылӥз[2].
Коркаен артэ эшшо кык этажъем одӥг кирпич юрт интыяськылӥз, татын ляльчиос улӥзы: вал сюдӥсь, сиён пӧрась, приказчикъёс но мукетъёсыз. Флигель утиськемын ӧвӧл. Азбарез складъёсын но амбаръёсын котыртэмын вал. 1917-тӥ арысен та юртын дышетӥсьёсты дасянъя семинария, отӥяз партийной типография, ужась изостудия интыяськылӥзы. 1960-тӥ арозь юртъерлэн кыкетӥ этажаз нылпи сад ужаз. Та сооружениын пыӵалтӥрлыклы сӥзем музей усьтыны малпанъёс вал, но кичӧлтон ӧз быдэсмы[3].
1990-тӥ аръёсы юрт бушаз, XXI даурлэн кыкетӥ дасо араз гинэ сое тупатъязы-выльдӥзы но отын «Оглоблинъ» ресторан усьтӥськиз, со ужаз революцилэсь азьвыл юртлэн историеныз герӟаськем мылкыдъёсты пыӵатэ[4].
Юртъер историысь но лулчеберетысь улосэн утёно синпелетъёс пӧлы пыре, кунэн утиське[2].
Валэктонъёс
- ↑ Елена Кардопольцева. Прогулки по Ижевску: как дом Оглоблина связан с Apple и Facebook [ӟуч], izhlife.ru. Эскеремын: 16 гудырикошконэ 2025 арын.
- ↑ 1 2 3 Дом купца И. Е. Оглоблина, 1912 год [ӟуч], izhdoc.ru. Эскеремын: 16 гудырикошконэ 2025 арын.
- ↑ izh_putevoditel. Дом купца Оглоблина. Ижевск [ӟуч], udmgossovet.ru. Эскеремын: 16 гудырикошконэ 2025 арын.
- ↑ В Ижевске Дом Оглоблина сделают рестораном [ӟуч], ijevsk.bezformata.com. Эскеремын: 16 гудырикошконэ 2025 арын.
Чӧлсконъёс
- Дом купца И.Е. Оглоблина, 1912 г [ӟуч], izh.ru. Эскеремын: 16 гудырикошконэ 2025 арын.
- В Ижевске Дом Оглоблина сделают рестораном [ӟуч], ijevsk.bezformata.com. Эскеремын: 16 гудырикошконэ 2025 арын.