Дуннеысь йӧскалыкъёслэн калыккуспо нуналзы
Дуннеысь йӧскалыкъёслэн калыккуспо нуналзы ӟуч: Международный день коренных народов мира (ООН-лэн мукет официальной кылъёсаз: англ. International Day of the World’s Indigenous Peoples, араб اليوم الدولي للشعوب الأصلية في العالم, исп. Día International de las Poblaciones Indígenas, кит. 世界土著人民国际日, фр. la Journée internationale des populations autochtones ) — 9-тӥ гудырикошконэ. 1994-тӥ арын ООН-лэн Генеральной Ассамблеяез дуннеын улӥсь йӧскалыкъёслэн калыккуспо нуналзы Йӧскалыкъёслы сӥзем нырысетӥ дасарын арлы быдэ 9 гудырикошконэ пусйиськоз шуыса, Пуктэт кутӥз (23-тӥ толсуре поттэм 49/214№ номеро резолици). Йӧскалыкъёслы сӥзем заседанилэн нырысетӥ ужан нуналызъя.
2004-тӥ арын 20-тӥ толсуре поттэм 59/174№ номеро резолюциын, Генеральной Ассамблея Йӧскалыкъёслы сӥзем кыкетӥ дасар сярысь ялӥз но «Десятилетие действий и достоинства» лозунг улсын ортчытыны дэмлаз. Озьы ик Йӧскалыкъёслэсь калыккуспо нуналзэс пусъёнэз азьланьтыны но ООН-лэсь Генеральной секретарьзэ та нуналэз йӧскалык уровенёзь ӝутыны куриз.
2009-тӥ арын 22 куарусёнэ ООН-лэн Секретариатэз нимысьтыз та нуналлы сӥзем почта маркаос поттӥз[1]
2005-тӥ арын ООН-лэн Генеральной секретарез аслаз вазиськоназ пусйиз:
…расширить повсюду круг солидарности с коренными народами и совместно с ними работать над тем, чтобы обеспечить им возможности для развития в условиях мира и безопасности при уважении прав человека, в которых слишком многим из них слишком долго отказывали.
2025-тӥ ар Россиысь Президентлэн 4-тӥ шуркынмонэ 799 номеро указэныз Росси Федерациысь ичи лыдъем выжы калыкъёслэн нуналзы юнматэмын, со пусйиське 30-тӥ оштолэзе[2].
Нунал темаос
- 2021-тӥ ар — «Нокин бере медаз кыльы: йӧскалык калыкъёс но выль мер тупанкылэ ӧтён»
- 2020-тӥ ар — «COVID-19 но йӧскалыкъёслэн юн луэмзы»
- 2019-тӥ ар — «Йӧскалыкъёслэн кылзы»
- 2018-тӥ ар — «Йӧскалыкъёслэн миграцизы но улон интызэс воштэмзы»
- 2017-тӥ ар — «ООН-лэн Йӧскалык эрикрадъёссы сярысь Декларациезлы 10 ар»
- 2016-тӥ ар — «Йӧскалыкъёслэн дышетскон правозы»
- 2015-тӥ ар — «2015-тӥ ар бере ужан повестка: йӧскалыкъёслэсь тазалыксэс но шуд-дэлетсэс юнматон».
- 2014-тӥ ар — «Висъяськонэз палэнтон: йӧскалыкъёслэсь эрикрадъёссэс утён».
- 2013-тӥ ар — «Йӧскалыкъёслэсь альянсъёссэс кылдытон: тупанкылъёслэсь, соглашениослэсь но мукет конструктивной огкылъёслэсь быдэсъяськемзэс чаклан».
- 2012-тӥ ар — «Йӧскалыкъёслэн ивор вӧлмытон сӧзнэтъёссы»
- 2011-тӥ ар — «Йӧскалыкъёслэн творчествозы: вашкалазэ дунъян но ализэ вуоноезлы кельтон»
- 2010-тӥ ар — «Йӧскалыкъёслэн кино удысчиоссы»[3]
- 2009-тӥ ар — «Йӧскалыкъёс но ВИЧ/СПИД»
- 2008-тӥ ар — «Кунъёс но йӧскалыкъёс куспын огъя луон»
- 2007-тӥ ар — «Йӧскалыкъёслэсь кылъёссэс утён но азинтон»
- 2006-тӥ ар — «действие но достоинство понна кылдытэм альянс»
- 2005-тӥ ар — «Йӧскалыкъёслэн ужзы-асьмелэн ужмы»
- 2004-тӥ ар — «Йӧскалыкъёслэн калыккуспо дасарзы»
Валэктонъёс
- ↑ Выпуск марок в 2009г.
- ↑ В России появился новый праздник [ӟуч] РИА Новости. Эскеремын 03-03-2026 арын
- ↑ Из послания Генерального секретаря ООН [[Пан Ги Мун]]а по случаю Дня.