Витязь
удм. (вашк.) Батыр Ви́тязь — Вашкала Русьысь кышкасьтэм ожчи, батыр[1].
Вашкала дыръя витязьёс князьлэн но воеводалэн дружинаяз службазэс нуылӥзы[2] но кужмо но кышкасьтэм луэменызы висъяськылӥзы. Данлыко но оскымон луэменызы шор дауръёсысь рыцарьёслы матын луо. Ӵемысь витязьёс тодмо бай выжыысь потэмын. Службазэз нуэм понна уждун басьтылӥзы[3]. Соос ожгар походъёсы ветлылӥзы, асьме кунгожъёсты тушмонлэсь утьылӥзы, вузкаронэн но музъем ужъёсын вырылӥзы но Русьлэн политика удысаз пыриськылӥзы. Витязьёс шор даур мерлыкын валтӥсь инты басьтӥзы но кышкасьтэм луонлэн но данлыклэн пусэныз лыдъяськизы[4].
Батыръёсын ӵошатыса, витязьёс ― кунлэсь службазэ нуись ӧнерлыко ожгарчиос. Витязьлэн вылтусыз таза, ӝужыт, усто ожгарчиез, ожгар ужъёсын вормись но ожгар искусствоез умой тодӥсь муртэз[5] возьматэ. Соослэн данлыксы но быгатонлыксы туж умой возьматэмын калык творчествоын: выжыкылъёсын, летописьёсын но былинаосын[3].
Нимыз но валатонэз
Фасмерлэн этимологи словерезъя, «витязь» кыл vikingr (викинг) ― вашкала норвег кыл бордысь кылдэмын[6]. Озьы ке но, туала эскерчиос оскытэггес учко та малпан шоры[7][8]. Со вакыт ик Фасмер, «витязь» кыл огъяславян кыл луэ шуыса оскытэ, соин валче, скандинав кылысь асэстэм сярысь теориез валантэм каре. Со сяна, пусйыны кулэ, скандинав суффикс -ing вашкала ӟуч кылын (-язь ӧвӧл), -яг шуыса возьматӥське: vaering — варяг, kulfing — колбяг. «З» букваез берлогес кутӥзы, вашкала ӟуч грамматикалэн катъёсызъя трос лыдэз возьматон понна: варяг — варязи, озьы ик ятвяг — ятвязи но печенег — печенези. Талы луыса, скандинав кыл viking «викяг» яке, k/t чередованиез лыдэ басьтыса, («витязь» ӧвӧл), «витяг» луысал[6].
Польско-чешско-лужицкой эскерчиос А. Брюкнер, К. Махек но Х. Шустер-Шевц хронологической но фонетической мугъёсъя витязь кылэз славян кыл шуыса лыдъяло. Тае «вал вылын ветлӥсь ожчи» кыллэсь вашкала валатонзэ *vitь — «добыча, трофей», ст.‑слав. възвить — «польза, выгода, прибыль, барыш» шуэмен герӟало[9].
Мукет версияя, «витязь» кыл «витингас» прусс кылысь — «вал вылын ворттылӥсь тодмо ожчи, рыцарь» шуэмез возьматэ. Ӵошатон понна: литва кылын талы тупа «витис» кыл — «вал вылын ворттылӥсь тодмо ожчи, рыцарь». Та валатон ик «т» буквалэсь кылдэмзэ валэктэ[10].
Нырысьсэ «витязь» кыл пумиське 1460-тӥ аръёсы «Повесть временных лет» произведениын, возьматэмын Переяславской летописьын[11].
XI—XVII дауръёсысь ӟуч словарьын та терминлэн ӟуч летописьёсын кутӥськемез шоры возьматэ, кылсярысь, Переяславской летописьын «князьлэн эксэез утёнъя дружинаысьтыз ожгарчи» шуыса валэктэмын. XV—XVII дауръёсы та кылэз рыцарской романъёсты берыктонын «батыр ожгарчи, батыр» валатонэн кутӥськиз[2][11]. П. Я. Черных , та кыл XV даурлэсь вазь ӧз кылды но шер кутӥське шуыса оскытэ, нош В. Д. Кузьмина, та кыл «храбр» нимкылэз воштэ шуыса валэктэ . Чакланы луэ, XV даурын витязь кылэз тужгес ӵем Ефросин Белозерский[11] кутэ шуыса чакланы луэ.
Брокгаузлэн но Ефронлэн Энциклопедической словаряз гожтэмын, та кыл ӵемысь ӟуч калык выжыкылъёсын «вормись, кышкасьтэм, рыцарь, батыр» валатонэн[12] кутӥське шуыса. Ӟуч кылъя йӧскалык корпусын та кыллэн тужгес ӵем кутӥськемез пусъемын XIX даурлэн кутсконаз, кудӥз А. С. Пушкинлэн но М. Ю. Лермонтовлэн гожъяськон вакытсылы тупа[13].
Лулчеберетын
- «Слово о полку Игореве» поэма
- Шота Руставелилэн «Витязь в тигровой шкуре» поэмаез
- Александр Пушкинлэн «Руслан и Людмила» поэмаез
- Виктор Васнецовлэн «После побоища Игоря Святославича с половцами» (1880), «Витязь на распутье» (1882) суредъёсыз.
Озьы ик учке
Литература
- Бобров А. Г. Существовал ли Мусин-Пушкинский сборник со «Словом о полку Игореве»? (об одном заблуждении Эдварда Кинана) // Studia Slavica et Balcanica Petropolitana. — 2007. — № 1/2. — С. 39–51.
- Ларионов В. От царской Скифии к Святой Руси. — М.: Яуза : Эксмо, 2005. — 640 с. — ISBN 5-699-10154-3.
- Федченко О. Д. Тризна: этимология термина // Гуманитарные исследования. История и филология. — 2023. — № 9. — С. 7–14. — doi:10.24412/2713-0231-2023-9-007-014.
- Шустер-Шевц Х. Древнейший слой славянских социально-экономических и общественно-институциональных терминов и их судьба в сербо-лужицком языке // Этимология. — М.: Наука, 1986. — С. 224–239.
Валэктонъёс
- ↑ Витязь // Большой толковый словарь русского языка / гл. ред. С. А. Кузнецов. — СПб.: Норинт, 1998.
- ↑ 1 2 Витязь // Словарь русского языка XI–XVII вв.. — М.: Академия наук СССР, 1975. — С. 194. Архивировано 15 оштолэзе 2021 арын.
- ↑ 1 2 Андрей Прохоров Витязи Руси art-prokhorov.com.
- ↑ Русские витязи древней Руси rebusnik.ru.
- ↑ Сергей Колибаба Витязь — этимология proza.ru.
- ↑ 1 2 Витязь // Этимологический словарь Макса Фасмера.
- ↑ Федченко О. Д., 2023, с. 9–10.
- ↑ Ларионов В., 2005.
- ↑ Шустер-Шевц Х., 1986, с. 232.
- ↑ Древнерусский витязь как пишется pishigood.ru.
- ↑ 1 2 3 Бобров А. Г., 2007.
- ↑ Витязь // Энциклопедический словарь Брокгауза и Ефрона : в 86 т. — 1890–1907.
- ↑ Распределение результатов поиска по датам (частота на миллион словоформ) с 1682 по 2022 processing.ruscorpora.ru.
Та гожтос вылэ Рувики проектысь мукет гожтосъёс уг чӧлско. |
.svg){kind=link}