Бурят кыллэн нуналыз
| Бурят кыллэн нуналыз | |
|---|---|
 Бурят кыллэн нуналызлэн тодметпусэз | |
| Типез | Кун праздник |
| Официально | |
| Валатонэз | анай кылэз утён но азинтон |
| Юнматэмын | 2006-тӥ арын |
| Пусъё |
 Бурятия |
| Дырыз | арлы быдэ, коньывуонлэн берпуметӥ удмуртарняез |
Бурят кыллэн нуналыз (ӟуч: День буря́тского языка́, бур. Буряад хэлэнэй үдэр) — анай кыллэн нуналызлы сӥзем праздник. Нырысьсэ Бурят Элькунын 2006-тӥ арын ортчытэмын вал. Бурят кыл Бурятиын кун кылын лыдъяське[1]. «Бурят Элькунысь калыкъёслэн кылъёссы сярысь»[2], «Бурят кылэз Бурят Элькунлэн кун кылыз чотын кутон но утён сярысь[3] катъёс кутэмын.
Пӧртэм источникъёсъя, али дыре 318 сюрсысен 369 сюрсозь бурят кылын вераськисьёс лыдъясько. Россиысь улосвылъёсын — Бурят Элькунын, Иркутск улосвыл но Забайкалье шаерын улӥсь бурят калык пӧлын бурят кыл нуналмысь но мерлыко улонын кутӥське. Печатласько книгаос но газетъёс, дышетон но тодослыко литература, дасясько телепередачаос, 24 час ужась «Буряад ФМ» радиоканал но «Буряад ТВ» телеканал, озьы ик бурят кылын ужало сайтъёс, каналъёс но мерлыко вотэсъёсын но пӧртэм мессенджеръёсын группаос.
Историез
Бурят кыллы сӥзем нуналэз кылдытӥсьёс — элькунлэн Тӧроез, элькунлэн кивалтэтэз, элькунысь Калык Хурал но лулчеберетэз азинтонъя огъя бурят огазеяськон. Бурят кыллэсь нуналзэ нырысьсэ пусйизы 2006-тӥ арын. 2007-тӥ арын БурятЭлькунлэн нырысетӥ Президентэз Леонид Потапов Бурят Элькунлэн кивалтэтэз 2007-тӥ арын 2-тӥ оштолэзе 205-р номеро «Бурят кыллэсь нуналзэ юнматон сярысь» Косэт гожтӥз. Бурят кыллэн нуналыз пусйиське коньывуон толэзьлэн ньылетӥ удмуртарняяз, бурят кыллы сӥзем месячникез йылпумъяса[4].
Пусъён ужрадъёс
Али, юнматэм йылолъя, праздникез коньывуонлэн пумаз пусъё, элькунын арлы быдэ Бурят кыллы сӥзем месячниклэн валтӥсь ужрадэз. Бурят Элькунлэн Кивалтэтэз толэзь куспын ортчытоно но улонэ пыӵатоно ужрадъёслэсь но ӵектосъёслэсь планзэс юнматэ. Праздник улсын шоркарын но ёросъёсын пӧртэм ужрадъёс ортчыло: викторинаос, ӧнерчиослэн турниръёссы, лыдӟисьёслэн вожвылъяськонъёссы, сочинениос, диктантъёс, бурят кылэз но литератураез дышетонъя методикая разработкаос, интернет-сайтъёсты кылдытон, челленджъёс. 2024-тӥ арын Бурят кыллы сӥзем толэзь сӥземын вал Семьялэн арезлы, Бурят Элькунлэн тӧроезлэн «Ундэхен Эленей Улзы Хешег» - «Анай кыллэн святой кузьымез» премиеныз тужгес устооссэ пусъё.