Башкортостан Элькунлэн нуналыз
| Башкортостан Элькунлэн нуналыз | |
|---|---|
 | |
| Тип | кун праздник |
| Пусъё | арлы быдэ |
| Дырыз | 11-тӥ коньывуонэ |
| Пусъён ужрадъёс | калык юмшанъёс, концертъёс, адӟытон-вузкаронъёс |
Башкортостан Элькунлэн нуналыз ӟуч День Республики Башкортостан (баш. Башҡортостан Республикаһы көнө) — Башкортостанлэн валтӥсез кун праздникез.
Историез
Башкортостан Элькунлэн нуналыз пусйиське арлы быдэ 11-тӥ коньывуонэ. Та праздник сӥземын Башкортостанлэн кун суверенитетэз сярысь Деклараци кутон нуналлы, юнматэмын 1990 арын 11-тӥ коньывуонэ. Элькунлэн нуналыз Башкортостанлэн валтӥсь праздникеныз лыдъяське. Та нуналэ котькытын сямен ортчыло калык юмшанъёс, концертъёс но спортэн герӟаськем ужрадъёс.
Праздниклэн историез Башкортостанлэн СССР-лэсь кун асэриклык басьтэмез бордысен кутске. 1990 арын Башкир АССР, Совето Союзлэн кунъёсыз пӧлысь одӥгез, аслаз суверенитетэз сярысь ялӥз но асэрико кун кылдытон борды выжиз. Со ужрад Росси Федерацилэн асэрико асмосэзлэн ― туала Башкортостанлэн кылдоназ валтӥсь вамыш луиз.[1]
Пусъён
Элькунлэн нуналаз паськыт но яркыт ортчыло лулчеберетэн но спортэн герӟаськем ужрадъёс. Та нуналэ нырысь ик Уфаын Кивалтэтлэн Юртэз азьын Башкортостанлэсь флагзэ ӝуто, со ужрад сямлы пӧрмемын ини. Озьы ик радъясько парадъёс, мынэтъёс, калык киужъёсын адӟытонъёс, спорт ӵошатсконъёс но интыысь артистъёслэн концертъёссы.
Тужгес бадӟым саклык висъяське Башкортостанлэн историезлы но лулчеберетэзлы. Солы сӥзьыса, музейёсы нимысьтыз экскурсиос но лекциос, элькунысь тодмо муртъёсын пумиськон-кенешонъёс[2] радъясько.
Вань гуртъёсын но улон интыосын ортчыло Элькунлэн нуналызлы сӥзем калык юмшанъёс, спорт ӵошатсконъёс. Нимысьтыз та нуналлы дасясько гурт удысэн герӟаськем ярмаркаос. Татысь ик адӟыны луэ элькунын поттэм туала техникаез но вузпӧрез. Ортчыло крезьгуро но лыдӟиськон ӝытъёс, пӧртэм конференциос но адӟытонъёс. Концерт программаосын чузъясько Башкир кылбурчиослэн но крезьгурчиослэн ӟуч но башкир кылын гожтэм произведениоссы.[3]
Башкортостан Элькунлэн нуналыз татын улӥсьёслэн тужгес валтӥсез паздниксы луэ. Со возьматэ улослэсь огкылысь но тупаса улэмзэ. Йӧскалыклэсь асваланзэ юнматыны, лулчеберетсэ но калык сямъёссэ азинтыны юрттэ.
Валэктонъёс
- ↑ Акманов И.Г. История Башкортостана с древнейших времён до наших дней / Н. С. Ахметов; пер. с англ. А. Б. Васильева. — Уфа: Китап, 2004. — 490 с. — ISBN 5-295-03488-7.
- ↑ День Башкирии в Уфе: что, где, когда МедиаКорСеть (19 сентября 2024).
- ↑ Концертная программа «Цвети, родной Башкортостан!» Министерство культуры Российской Федерации (02 ОКТЯБРЯ 2024).
Чӧлсконъёс
- Как жители Башкирии будут отдыхать в 2024 году? Официальный портал Республики Башкортостан (11 декабря 2023).
- День республики — день принятия Декларации о государственном суверенитете Башкирской Советской Социалистической Республики Региональный интерактивный энциклопедический портал «Башкортостан» (11 декабря 2023).
- В Башкортостане состоится большой праздничный концерт в честь Дня Республики Глава Республики Башкортостан (11 декабря 2023).
|
Та материаллэн правообладателез АНО «РУВИКИ» Интернет-энциклопедия». Мукет сайтъёсын тае АНО «РУВИКИ» Интернет-энциклопедия» лэземъя гинэ кутыны луэ |