Радыгин, Анатолий Ильич
| Анатолий Ильич Радыгин | |
|---|---|
 | |
| Вордӥськем нуналыз | 27-тӥ шуркынмонэ 1912 |
| Вордӥськем интыез | Выль Какся |
| Кулон нуналыз | 11-тӥ коньывуонэ 1990 (77 лет) |
| Кун | |
| Ужудысэз | дышетӥсь |
Радыгин, Анатолий Ильич (1912—1990) — Россиысь дышетон удысысь сӥё-дано ужась. Пыриськиз Быдӟым Атыкай оже но 1945-тӥ арын 24-тӥ июне Москваын ортчем Вормонлы сӥзем парадэ.
Улон сюресэз
Вордскиз 1912-тӥ арын 27-тӥ шуркынмонэ Вавож ёросысь Выль Какся гуртын. Бадзым Уча шор ёзо школа бере 1932-тӥ арын йылпумъяз Можга педтехникумез, собере ужаз Вавож ёросын дышетӥсь луыса[1][2].
1941-тӥ арын инвожо толэзе армие басьтэмын, гудырикошконысен — Быдӟым Атыкай ожын. 2-тӥ Прибалтийской фронтын 22-тӥ армиысь 165-тӥ стрелковой дивизиезлэн батальоназ командирлэн политчастья воштӥсез вал. Сӧсырмылӥз[1]. 1943-тӥ арын Радыгин капитан куасъя батальонэ командирлы воштӥсе юнматэмын вал[3].
1945-тӥ арын 24-тӥ инвожое Вормон парадэ пыриськиз[3]. Удмуртиысь со огназ 25-тӥ инвожое Кремле приёме ветлӥз[2] (ӧтён билетэзлэн номерез — № 0501)[1].
Ож бере гуртаз берытскиз. 1946-тӥ арысен пенсие потытозяз аслаз школаяз ужаз — нырысь покчи классъёсын дышетӥсь луыса, нош бергес — директорын. 1953-тӥ арын дышетон удысысь дано ужась нимын пусъемын[2].
Кулӥз 1990-тӥ арын, ватэмын Вавоже[3].
Семьяез
Мария Николаевна кышноеныз будэтӥзы 5 нылпи: Александр, Виктор но Евгений пиоссэс, Алевтина но Ангелина нылъёссэс[3].
Данъетъёсыз
- Горд Знамя орден (1945)
- Отечественной ожлэн I но II степенё орденъёсыз (1945)
- «За отвагу» медаль (1944)
- «За взятие Кёнигсберга» медаль
- «За победу над Германией в Великой Отечественной войне 1941–1945 гг.» медаль
- РСФСР-ысь школаысь дано дышетӥсь (1953) [1][3]
Линкъёс
- ↑ 1 2 3 4 Радыгин Анатолий Ильич [ӟуч] Участники Парада Победы 24 июня 1945 года. Эскеремын 25.09.2025 арын
- ↑ 1 2 3 Анна Судницына (04.05.2016) Деревенский учитель из Удмуртии принял участие в Параде Победы 45-го [ӟуч] Сусанин. Эскеремын 25.09.2025 арын
- ↑ 1 2 3 4 5 Радыгин Анатолий Ильич [ӟуч] Книга Памяти Удмуртии. Эскеремын 25.09.2025 арын