Кылосбурчилэн нуналыз
.jpg)
Кылосбурчилэн нуналыз англ. День филолога — улонзэс кылосбур удыслы сӥзем ӧнерчиослэн праздниксы. Россиын пусйиське Славян гожъяськетлы но лулчеберетлы сӥзем нунал бере (ӟуч: День славянской письменности и культуры — 25 куартолэзе. Озьы ик мукет кунъёсын но пусйиське. Огазея кылчиосты, литературатодосчиосты, кыллы но литературалы дышет9сьёсты, библиотекарьёсты, кылысь кылэ берыктӥсьёсты но ваньзэс, кинлы матын луэ кылосбурудыс.
Кылосбур (ӟуч: филоло́гия) тодос др.-греч. φιλολογία кыллэсь пӧрмемын, «любовь к слову, любословие» шуэмез возьматэ — кылтодос (ӟуч: лингвистика, литературатодос ӟуч: литературоведение, текстология но мукет та выллем огинъёсты огазеясь тодослюкетлэн нимыз. Кылосбур тодос дышетэ гожтэм текстъёсты но стилистической, языковой но содержательной анализ вылэ пыкиськыса, мерлыклэсь историзэ но лулпуш тунсыкъёссэ эскере.
Кылосбурлэн историез
Кылосбур тодос чотын кылдӥз Европаын XVII дауре. Солэн азьпалчиеныз лыдъяло кылэз, истори ез, лулчеберетэз но философиез эскерись тодосэз. III даурын асьме вапумозь Грециысь но Вашкала Индиысь текстъёслы нырысь комментариос кылдӥзы. Кылосбур (филология) кылэз М. В. Ломоносов куинь поллэсь трос кутэ, кык пол ужъёсызлэн нимъёсаз: быдэсак люкам сочинениосаз 7-тӥ но 9-тӥ томъёсаз, одӥг пол «Краткое руководство к красноречию» гожтэмаз, 7-тӥ том, 340-тӥ бам, кыӵе ке но Филипнлэн верамез: "Зэмзэ верасько, кутско но Филипнысь филолог луыны тыршо" (англ. «Истинно я начну и постараюсь, чтобы мне из Филипна сделаться филологом»). Ломоносов валэктон сётэ, мар со Филипн понна кылосбурчи луон. В. К. Тредиаковский кылосбурез тазьы валэктэ:
«…полуденного солнца яснее, что вся вообще филология … самою вещию есть токмо что элоквенция», которая «управляет, умножает, утверждает…, повсюду сияет и объединяет все науки и знания, ибо все они токмо чрез элоквенцию говорят»[1].
Россиын «кылын герӟаськем тодосъёсты» «кылосбур» (филологической) шуыны кутскизы XIX даурлэн шораз гинэ. Нырысь ик историко-филологической шуыса нимамын вал СПбГУ-лэн ёзэтэз (1850-тӥ арозь "факультет исторических и словесных наук" шуиське вал), бӧрысьгес, 1853-тӥ арын, К. П. Зеленецкий «Введение в общую филологию» ужзэ печатлаз. Калык пӧлы "кылосбур" ("филология") термин «Филологические Записки» тодос журнал пыр вӧлмиз. Сое поттыны кутскизы Воронежын 1860-тӥ арысен, валтӥсь редакторез А. А. Хованский.
Кылосбур кыллэн валатонэз аръёс ортчемъя паськытаз. Туала вакытэ кылосбурез калыклэсь лулчеберетсэ, литературазэ, историзэ но кылзэ дышетӥсь тодосъёсты огазеясь тодосэн лыдъяло.