Бузова, Ольга Игоревна

Ольга Бузова
Вордскем нимыз	Ольга Игоревна Бузова
Вордӥськем нуналыз	20-тӥ толшоре 1986({{padleft:1986|4|0}}-{{padleft:1|2|0}}-{{padleft:20|2|0}}) (40 лет)
Вордӥськем интыез	Ленинград, РСФСР, СССР
Кун	Россия
Ужудысэз	телепередачаосты нуись, гожъяськись, кырӟась, актриса, дизайнер, валтӥсь редактор
Атаез	Игорь Дмитриевич Бузов
Анаез	Ирина Александровна Бузова
Кузпалыз	Дмитрий Алексеевич Тарасов (2012—2016)
Сайт	buzovaolga.ru​ [ӟуч]
Медиафайлъёс РувикиМедиа пушкын

Ольга Игоревна Бузова (кузпалызъя Тара́сова вал ворд. 20-тӥ толшоре 1986, Ленинград)  — Россиысь тодмо кырӟась, модель, киноын, театрын но дубляжъёсын шудӥсь актриса. ТНТ телеканалын «Дом-2» реалити-шоуэ пыриськеменыз тодмо луиз, берлогес ачиз ик со шоуэз нуись луиз. 2008 арысен — «Мир реалити-шоу. Дом-2» журналлэн валтӥсь-редакторез луэ.

Улон сюресэз

Вордӥськемын 1986 аре 20-тӥ толшоре Ленинградын. 3 аресысен лыдӟиськыны но гожъяськыны дышиз. Соку ик англи кылэз дышетыны кутскиз. 2002-тӥ арын Санкт-Петербургысь 631-тӥ номеро школаез йылпумъяз но СПбГУ-ысь географи ёзэтэ дышетскыны пыриз (йылпумъяз 2008-тӥ арын).

Карьераез

2004-тӥ арын «Дом-2» телешоуэ сюриз, со ку солы 18 арес вал. Проектэ пыриськем мурт чотын шоуын ньыль ар улӥз. Учкисьёслэн куара сётонъёссыя, телепроектлэн быдэс историез ӵоже тужгес устоез шуыса лыдъямын вал.

2005—2006-тӥ аръёсы Роман Третьяковен ӵош ТНТ телеканалын егитъёс лы сӥзем «Роман с Бузовой» ток-шоу нуиз. Озьы ик телеканалысь мукет телепроектъёсы пыриськылӥз.

2008-тӥ арын нырысьсэ актриса чотын ТНТ телеканалын мынӥсь «Универ» сериалын шудӥз. Отын солы Эдуард Кузьминлэсь интернет пыр тодматскем нылашсэ шудыны дэмламын вал. 

2008-тӥ арын шуркынмонысен кырӟан удысэ выжиз. Концертъёсын Россилэн пӧртэм улосъёсаз вуылэ но матысь кунсьӧры поталля. Кырӟанъёсыз «Звёзды Дом 2. Законы любви» альбомен поттэмын.

2010-тӥ арын куарусёнэ нырысьсэ театрын шудӥз. «Шикарная свадьба» постановкаын актрисаез Мария Кожевниковаез воштӥз.

С&С брендэн валче кӧня ке дӥськут коллекция кылдытӥз.

2018-тӥ арын 10-тӥ инвожое аслэсьтыз BUZ.Food нимо ресторанзэ усьтӥз. 2018-тӥ арын 2-тӥ куарусёнэ Москваын кыкетӥзэ ресторанзэ усьтӥз. Партнёрез — Карен Мелконян. 2025-тӥ арын, 2021-тӥ арысен ялан 19 млн манет тыр изъянэн ужамысьтыз, ресторан вотэссэ ворсаз.

2020-тӥ арын коньывуонэ Россиысь Гиненслэн книгаезлэсь кык сертификат басьтӥз. Нырысетӥез Россиын но СНГ кунъёсын тужгес трос подписчикъёсыз понна.

Валэктонъёс