Чернова, Татьяна Николаевна (поэтесса)

Википедиысь материал
Татьяна Чернова
Быдэс нимыз Татьяна Николаевна Чернова
Вордскон дырыз 15-тӥ толсуре 1953(1953-12-15) (70 арес)
Вордскем интыез Зура черкогурт, Эгра ёрос, Удмурт АССР, СССР
Гражданство СССРFlag of the Soviet Union.svg СССР,
РоссияFlag of Russia.svg Россия
Ужудысэз Шаблон:Поэтесса, Шаблон:Журналист, Шаблон:Переводчик
Жанр поэзия
Гожъяськон кылыз удмурт, ӟуч
Премиосыз Флор Васильев нимо премия (М. А. Кастрена нимо финн культурая огазеяськонлэн журналистской премиез (2009)

Татьяна Николаевна Чернова (кузпалызъя Петрова; ворд. 15 толсуре 1953-тӥ арын) — удмурт кылбурчи, мукет кылэ берыктӥсь, журналист. Флор Васильев нимо премилэн (1994-тӥ ар) но М. А. Кастрена нимо финн культурая огазеяськонлэн журналистской премилэн лауреатъёсыз (2009-тӥ ар)[1]. Журналистъёслэн огазеяськонзылэн ёзчиез (1981-тӥ ар) но Гожъяськисьёслэн огазеяськонзылэн ёзчиез (1988-тӥ ар), Удмурт Элькунысь лулчеберет удысысь дано ужась(1998)[2][3].

XX даурлэн пумысьтыз нылкышно лирикаез возьматисьёс пӧлысь, Алла Кузнецова, Людмила Кутянова но Галина Романоваен артэ, тужгес но яркытэз лыдъяське[1].

Улон сюресэз

Татьяна Николаевна Чернова вордӥськиз 15-тӥ толсуре 1953-тӥ арын Удмурт Элькунысь Эгра ёросысь Зура черкогуртын.

Семьяязы куать нылпи вал; атаез Быдӟым Атыкай оже пыриськиз, анаез — удмурт нылпи кылбурчи Лидия Чернова, ужудысызъя библиотекарь. Дышетскиз тямыс аръем Пазял гуртысь школаын, нош семьяеныз Можга ёросэ улыны выжемзы бере — Бадӟым Уча черкогуртын шоръёзо школаын.

В студенческие годы занималась в литературном кружке, которым руководил удмуртский поэт, литературовед Даниил Яшин[4].

1976-тӥ арын, Удмурт кун университетысь филология факультетэз йылпумъямез бере, одӥг ар ужаз Пичи Пурга ёросысь Вуж Монья гуртысь школаын[5].

1977-тӥ арын «Советской Удмуртия» (али «Удмурт дунне») газетэ корреспондентэ ужаны ӧтчазы. 1986-тӥ арысен 1993-тӥ арозь «Удмуртия» книгапоттоннилэн удмурт художественной литературая редакторез вал[3]. 1993-1996-тӥ аръёсы Удмурт Элькунысь лулчеберетъя министерстволэн научно-методической центраз методистын ужаз. 1996-тӥ арын «Удмурт дунне» газетлэн редакцияз берытскиз, культурая отделаз редактор луыса. 2002-2004-тӥ аръёсы Удмурт Элькунысь гожъяськисьёслэн огазеяськоназы литературной консультант луыса тыршиз[1].

Огвакытэ «Вордскем кыл» журналлэн редакцияз ужаз. Берлогес «Удмурт дунне» газетлэн редакцияз кылкутись секретарез вал. Али Татьяна Николаевна пенсиын (ссылка).

Творчествоез сярысь

Кылбуранэн тунсыкъяськонэз анаез, Лидия Чернова кылбурчи, бордысь вуиз. Ас вакытаз Татьяна Чернова аслаз нылызлы но, Елена Петровалы (Дарали Лели), гожъяськон мылкыд пыӵатиз. 2009-тӥ арын солэн «Гур сьӧрысь суредъёс» нимо нырысетӥ бичетэз потӥз[6].

Татьяна Черновалэн нырысетӥ кылбурез печатламын вал «Советской Удмуртия» газетын. 1980-тӥ арын потӥз нырысетӥез кылбур бичетэз, «Тыныд тодмотэм кырӟанэ» нимаське. 1986-тӥ, 1991-тӥ, но 2021-тӥ аръёсы эшшо мукет книгаосыз потӥзы на — «Та шундыё дуннеямы» (ӟуч "В этом солнечном мире" ), (ӟуч «Тӥ ӧй тодысалды…») (ӟуч "Вы не узнали бы…")[7], «Туривесь» (ӟуч "Купена")[8] но «Тӧдьы пужыё инкуазе». Озьы ик, кылбуръёсыз печатласькизы элькун газет-журналъёсын но «Молодая гвардия», «Крестьянка», «Урал» но мукет журналъёсын, «Между Волгой и Уралом» книгаын, мукет огъя кылбур бичетъёсын[7].

Татьяна Черновалэн кылбуръёсыз ӟуч, бигер, пор, модва, коми, чуваш, украин, эстон кылъёсы берыктэмын. Ачиз но со мукет (ӟуч, коми, пор, мари, мордва, эстон, бигер, чуваш, француз, чечен) кылъёсысь удмурт кылэ гожъямъёсты берыктэ.[1].

Татьяна Николаевналэн тросэз кылбуръёсыз кырӟанлы пӧрмытэмын; кылсярысь, крезьгур гожтэмын «Трос-а кулэ милемлы?», «Мон тынад тодад-а?», «Мынам шумпотонэ», «Кылъёсыд тынад» кылбуръёсызъя[7].

Удмурт Элькунысь Йӧскалык театрын 2000-тӥ арын «Айна» драмая, кудзэ Татьяна Чернова гожтӥз Василий Ушаковен ӵош, спектакль пуктэмын вал, Финн-угор театръёслэн Фестивалязы туж вылӥ дунъямын вал[1].

Кылбуретэзлэн валтӥсь темаосыз луо анай луон, выжыез гажан но азьланьтон, ас шаередлэн инкуазезлэн чеберлыкезлы паймон, яратонэз шӧдон-валан[1].

Библиографиез

Валэктонъёс

  1. ↑ 1,0 1,1 1,2 1,3 1,4 1,5 Татьяна Николаевна Чернова(ӟуч) Эскеремын 2022-03-13 аре
  2. ↑ Туганаев, 2008, с. 714.
  3. ↑ 3,0 3,1 Загребин, 2012, с. 491.
  4. ↑ Татьяна Николаевна Чернова
  5. ↑ Христолюбова, 2002, с. 330.
  6. ↑ Чернова Татьяна
  7. ↑ 7,0 7,1 7,2 Христолюбова, 2002, с. 331.
  8. ↑ Презентация сборника стихов «Туривесь» («Купена») Татьяны Черновой(ӟуч) Эскеремын 2022-03-17 аре

Литература

  • Удмуртский институт истории, языка и литературы УрО РАН, 2002. — 448 с. — 600 экз. — ISBN 5-7691-1149-6.
  • Чернова (Петрова) Татьяна Николаевна // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 714. — 768 с. — 2200 экз. — ISBN 978-5-7659-0486-2.
  • Шаблон:УР:КИ
«https://udm.ruwiki.ru/w/index.php?title=Чернова,_Татьяна_Николаевна_(поэтесса)&oldid=206067»-ысь басьтэмын