Тыва Элькунлэн Конституци кутон нуналыз
| Тыва Элькунлэн Конституци кутон нуналыз | |
|---|---|
 | |
| Тип | Кун праздник |
| Официально | ӟуч День Конституции Республики Тыва, тыв. Тыва Республика Үндезин хоойлузунуң хүнү |
| Валатонэз | Тыва Элькунлэн Конституциез — Тыва Элькунлэн валтӥсь Катэз |
| Юнматэмын | Конституци кутон нуналлы сӥземын (2001) |
| Пусъё |
 Тыва Элькун |
| Дырыз | 6-тӥ куартолэзе |
Тыва Элькунлэн Конституци кутон нуналыз ӟуч День Конституции Республики Тыва (тыв. Тыва Республиканың Үндезин хоойлузунуң хүнү) — Тыва Элькунлэн кун праздникез. Пусйиське арлы быдэ 6-тӥ куартолэзе, 2001-тӥ арысен кутскыса[1]
Тыва Элькунлэн Конституциез — Тыва Элькунлэн валтӥсь катэз, кутэмын огъя калык референдумлэн пумкылъянъёсызъя 2001-тӥ арын 6-тӥ куартолэзе. Конституциын 2 люкетэз, 17 йыретэз но 143 статьяез[2]. Со Тувалэн тямысэтӥез али ужась катэз[3] луэ.
Историез
Танну-Тува Улус Элькунлэн нырысетӥ Конституциез кутэмын вал Огъятува учредительной хуралын (съездын) 1921-тӥ арын 15-тӥ гудырикошконэ. Со Азилэн шораз суверенной кунлэсь кылдэмзэ, кат азьын вань калыклэсь огъя луэмзэ, ужоскето адямосты быръён принципез, кунлэсь экономика, лулчеберет но тазалыкез утён сярысь сюлмаськемзэ катрадлыкен юнматӥз.
1923-тӥ арын кутэм Конституциен нырысьсэ юнматэмын вал Тываын быръён эрикрад.
1924-тӥ арын коньывуон толэзе II Быдӟым Хурал Тывалэсь куинетӥ Конституцизэ кутӥз, отын кун тӧрлыклэн но кивалтоннилэн вылӥ ёзэсъёсын сӧзнэтэзлэн пыр-поч валатонэз сётэмын вал, собраниосы но быръёнъёсы пыриськыны луонлык сётӥсь арлыд юнматэмын — 22 арес тырмыса.
Ньылетӥез Конституци кутэмын вал 1926-тӥ арын 24-тӥ шуркынмонэ. Отын нырысьсэ катрадлыкен юнматэмын кун печать, кункышет но кунпус сярысь Положение.
1930-тӥ арын 18-тӥ коньывуонэ VII Быдӟым Хурал ТНР-лэсь витетӥ Конституцизэ юнматӥз.
1941-тӥ арын 25-тӥ инвожое кутэм Конституцилэсь катӵексоссэ нырысьсэ нимысьтыз брошюраосын ӟуч но тува кылъёсын калыклы тодматскон понна печатламын вал. Быдӟым Хуралэн юнматэм бере но 25-тӥ инвожоысен со кужымлыко луэм бере, Туваын нырысьсэ Конституцилэсь нуналзэ пусйизы.
1978-тӥ арын кутэм Конституция, Тува АССР социалистической огъякалык кунэн ялэмын вал. Тува АССР-ысь котькуд адями огдыре РСФСР-лэн но СССР-лэн гражданинэныз лыдъяське вал[4].
Вылдӥськон вакыт йылпумъяськем бере Тыва Элькунлэн сизьыметӥез Конституциез кутэмын вал. 1993-тӥ арын 21-тӥ коньывуонэ кутэм валтӥсь Катын Тыва Элькун Росси Федерацилэн пушпӧлысьтыз суверенной демократической кунэн ялэмын вал. Озьы ик солэн вал ас кунлыксэ кылдытон эрикрадэз но Росси Федерацилэн пушпӧлысьтыз потон луонлыкез. Нош 1993-тӥ арын 12-тӥ толсуре кутэм Росси Федерацилэн Конституциезъя, солы пумит луись Тыва Элькунлэсь Конституцизэ тупатъян сярысь решение кутэмын вал[5].
Тыва Элькунлэн азьмуртэзлэн 2000-тӥ арын 8-тӥ куарусёнэ гожтэм Косэтэзъя Тыва Элькунлэн Конституционной комиссиез кылдытэмын вал. Отчы пыризы катрадлык но судебной тӧрлык ёзэсъёсысь, мер дэменлыкъёсысь но огазеяськонъёсысь огмуртъёс. Озьы 2001-тӥ арын 6-тӥ куартолэзе огъякалык референдумен Тыва Элькунлэн Конституциез кутэмын вал[6].
Пусъён
Сямлы пӧрмем ужрадъя, Тыва Элькунлэн Конституциезлэн нуналаз Кызылын тужгес устооссэ юристъёсты кун но ведомственной данъетъёсын пусъё.
Элькунысь быдэ вуэмъёс та нуналэ сӥё-дано ужрадъёсын паспорт басьтыло[7].
Конституцилэн нуналызлы сӥзьыса, элькунын лулчеберето но спорт ужрадъёс ортчыло. Кьтура юртъёсын но центръёсын ортчыло викторинаос, информационной часъёс, познавательной шудон но крезьгуро программаос, спорт ӵошатсконъёс. Нимысьтыз егитъёс но пиналъёс понна радъясько тематической адӟытонъёс, презентациос[8].
Валэктонъёс
- ↑ Закон Республики Тыва О праздничных днях Республики Тыва от 12 февраля 1999 года № 143
- ↑ Конституция (Основной закон) Республики Тыва
- ↑ 6 мая — День Конституции Республики Тыва
- ↑ В Туве 6 мая отметят День конституции Республики Тыва
- ↑ Конституция Республики Тыва отмечает 22 годовщину
- ↑ В Туве 6 мая отметят День конституции Республики Тыва
- ↑ В Туве отмечают День Конституции республики
- ↑ Владислав Ховалыг поздравил жителей Тувы с 22-й годовщиной со дня принятия Конституции республики
Литература
• Конституции Тувы за 100 лет / Сост. К. Д. Аракчаа, К. А. Бичелдей, Ч. Г. Ондар. Абакан: ИПП Журналист, 2021. с. 400.
Чӧлсконъёс
• В Туве 6 мая отмечают День Конституции Республики Тыва
• Конституция Республики Тыва: историческая справка
• Закон Республики Тыва О праздничных днях Республики Тыва от 12 февраля 1999 года № 143
• Конституция (Основной закон) Республики Тыва
|
Та материаллэн правообладателез АНО «РУВИКИ» Интернет-энциклопедия». Мукет сайтъёсын тае АНО «РУВИКИ» Интернет-энциклопедия» лэземъя гинэ кутыны луэ |